استحکام پاکستان پارٹی (آئی پی پی) نے اپوزیشن لیڈر راجہ ریاض احمد کی طرف سے نگران وزیر اعظم کے دیے گئے نام کی حمائیت کر دی۔
اس حوالے سے استحکام پاکستان پارٹی کے چیئرمین جہانگیر خان ترین نے کہا کہ نگران وزیر اعظم کے لئے راجہ ریاض احمد کے تجویز کردہ نام کے ساتھ ہیں۔
چیئرمین آئی پی پی نے اپنے موقف میں کہا کہ اپوزیشن کی طرف سے نگران وزیر اعظم مقرر ہونا زیادہ بہتر ہوگا۔
جہانگیر ترین نے مزید کہا کہ نگران حکومت کی تشکیل کیلئے استحکام پاکستان پارٹی اپوزیشن کے ساتھ ہے، امید ہے عبوری حکومت کا معاملہ افہام و تفہیم کے ساتھ جلد حل ہو جائے گا۔
واضح رہے کہ نگران وزیراعظم کے تقرر کا معاملہ حتمی مرحلے میں داخل ہوگیا ہے، وزیراعظم شہباز شریف اور اپوزیشن لیڈر راجہ ریاض کی آج دوسری بیٹھک ہوگی۔
گزشتہ روز وزیر اعظم شہباز شریف اور قائد حزب اختلاف راجہ ریاض نے نگران وزیر اعظم کے تقرر کے لیے مشاورتی عمل آئین کے مطابق شروع کردیا تھا تاہم پہلے دن کسی نام پر اتفاق نہیں ہوسکا۔ البتہ دونوں رہنماؤں نے طے کیا ہے کہ حتمی اتفاق سے پہلے نگران وزیراعظم کا نام ظاہر نہیں کیا جائے گا۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News