اسلام آباد: پاکستان اور بھارت نے اپنے اپنے ناظم الامور تبدیل کرنے کا فیصلہ کرلیا ہے۔
سفارتی ذرائع کے مطابق پاکستان کی جانب سے دفتر خارجہ کے سینئر افسر سعد احمد وڑائچ کو بھارت میں نیا ناظم الالمور مقرر کرنے کا فیصلہ کیا گیا ہے، تاہم سعد احمد وڑائچ پاکستانی ہائی کمشنر، نئی دہلی عزیز احمد خان کی جگہ لیں گے۔
ذرائع نے بتایا کہ سعد احمد وڑائچ اس وقت دفتر خارجہ میں بطور ڈایریکٹر جنرل ایران، افغانستان اور ترکیہ ذمہ داریان سرانجام دے رہے ہیں۔
دوسری جانب بھارت نے بھی پاکستان کے لیے اپنے نئے ناظم الالمور کے نام کو حتمی شکل دے دی ہے۔
سفارتی ذرائع کا کہنا ہے کہ گیتیکا سری وستاوا بھارت کی پاکستان میں نئی ناظم الامور ہونگی، گیتیکا سری وستاوا پاکستان میں بھارتی ناظم الامور سریش کمار کی جگہ لیں گی۔
علاوہ ازیں پاکستان اور بھارت کے درمیان سفارتکاروں کے ویزوں کا تبادلہ بھی شروع ہوگیا ہے، دونوں ممالک نے ایک دوسرے کے سفارتکاروں کو دو طرفہ سفارتی ویزے جاری کردیے ہیں۔
سفارتی ذرائع نے مزید بتایا کہ پاکستان کی ایک افسر کو بھارت کا سفارتی ویزا جاری کر دیا گیا جبکہ بھارت کے پانچ افسران کو پاکستان کا سفارتی ویزا جاری کیا گیا ہے۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔
ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔
پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں https://bit.ly/3Tv8a3P اور بیل آئیکن پر کلک کریں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News