استحکام پاکستان پارٹی (آئی پی پی) نے سابق وزیراعظم سردار تنویر الیاس خان کو آزاد جموں کشمیر کا صدر تعینات کردیا ہے۔
تفصیلات کے مطابق استحکام پاکستان پارٹی کے مرکزی سیکریٹری جنرل عامر کیانی نے پیٹرن انچیف اور مرکزی صدر کی منظوری سے نوٹیفکیشن جاری کردیا ہے۔
سردار تنویر الیاس خان 2018ء کے انتخابات سے قبل صوبہ پنجاب کی عبوری کابینہ میں وزیر، پنجاب سرمایہ کاری اینڈ ٹریڈ بورڈ کے چیئرمین اور وزیراعلیٰ پنجاب کے معاون خصوصی رہے۔
سردار تنویر الیاس خان نے 2021ء میں باضابطہ طور پر آزاد کشمیر کی سیاست میں حصہ لیا اور پی ٹی آئی آزاد کشمیر کے صدر بھی رہے، انہوں نے آزاد کشمیر کی الیکشن مہم کی قیادت کرتے ہوئے پارٹی کو 2021 کے الیکشن میں سادہ اکثریت سے کامیابی دلائی۔
علاوہ ازیں سردار تنویر الیاس آزاد کشمیر میں ایک سال سینئر موسٹ وزیر اور قریباً ایک سال وزیر اعظم آزاد کشمیر بھی رہے۔
سردار تنویر الیاس خان نے پارٹی چیئرمین عمران خان کی پالسییوں سے اختلافات کرتے ہوئے پی ٹی آئی کو الوداع کہہ دیا تھا۔
خیال رہے کہ سردار تنویر الیاس خان استحکام پاکستان پارٹی کے بانی رہنما اور ممبر ایگزیکٹو کمیٹی بھی ہیں۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News