اسلام آباد: ترجمان دفتر خارجہ ممتاز زہرا بلوچ نے کہا ہے کہ پاکستان بھارتی دہشتگردی کیخلاف تحفظات کا اظہار جاری رکھے گا۔

دفتر خارجہ کی ترجمان ممتاز زہرا بلوچ نے صحافیوں کو ہفتہ وار بریفنگ دیتے ہوئے بتایا کہ وزیر اعظم انوارالحق کاکڑ یو این جی اے کے 78 ویں اجلاس کے لیے نیویارک میں ہیں جبکہ نگران وزیر خارجہ اور سیکرٹری خارجہ بھی امریکہ میں موجود ہیں۔

انہوں نے کہا کہ وزیر اعظم اپنے خطاب میں مسئلہ کشمیر کو اجاگر کریں گے، نگران وزیر خارجہ کا بھی نیویارک میں مصروف شیڈول ہے جبکہ سائیڈ لائنز پر وزیر خارجہ متعدد شریک ہم منصبوں سے ملاقاتیں کریں گے۔

ممتاز زہرا بلوچ نے کہا کہ او آئی سی کمیٹی کے اجلاس میں وزیر خارجہ نے فلسطین کے مسئلے پر روشنی ڈالی، پاکستان انتہا پسندوں کے ایک گروہ کی جانب سے مسجد الاقصیٰ کو نشانہ بنانے کی شدید مذمت کرتا ہے۔

انکا کہنا ہے کہ جموں و کشمیر میں بھارتی قابض افواج نے 8 ماہ میں 68 کشمیرہوں کو شہید کیا، بھارتی مظالم میں اضافہ ہو رہا ہے، مقبوضہ کشمیر میں انسانی حقوق کی کلاف ورزیاں ختم ہونا چاہیں، ان خلاف ورزیوں کے ذمہ داران کو انصاف کے کٹہرے میں لایا جانا چاہیے۔

ترجمان نے کہا کہ نیویارک میں ہونے والی متعدد سرگرمیوں میں ہمارے وزیر اعظم، وزیر خارجہ اور دیگر حکام کی موجودگی ضروری ہے، مختلف ملاقاتوں کے اوقات کار میں فرق ہے لہذا ہم اس شیڈول کی تفصیلات نہیں دے سکتے۔

انہوں نے کہا کہ سفارت کاری کا مطلب مشکل حالات اور مسائل میں اپنے ہم منصب سے بات چیت ہے، اس لیے ہم افغانستان جیسے پیچیدہ معاملے پر بھی بات چیت کرتے ہیں، نگران وزیر خارجہ اور ٹام ویسٹ میں گزشتہ روز ہونے والی ملاقات اسی سفارت کاری کا حصہ تھی۔

ممتاز زہرا بلوچ نے کہا کہ افغان حکومت کی جانب سے تہنیتی خط موصول ہوا، ہم نے اس خط کا جوب دیا، یہ خط معمول کی سفارت کاری اور رابطوں کا حصہ ہے۔

ترجمان دفتر خارجہ کا کہنا ہے کہ پاکستان بھارت کی دہشت گردی کے خلاف تحفظات کا اظہار جاری رکھے گا، یہ دہشت گردی پاکستان اور مقبوضہ کشمیر میں جاری ہے۔

انہوں نے کہا کہ ترکیہ صدر کے بیان کو سراہتے ہیں، ترکیہ نے ہمیشہ جموں و کشمیر پر پاکستان کی حمایت کی ہے، پاکستان نے ہمیشہ کہا ہے کہ وہ بھارت سے مقبوضہ کشمیر سمیت تمام مسائل پر بات چیت کو تیار ہے۔

دفتر خارجہ کی ترجمان نے مزید کہا کہ پاکستان آذربائیجان میں بارودی سرنگ کے دھماکے میں قیمتی جانوں کے نقصان پر افسوس کا اظہار کرتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں  https://bit.ly/3Tv8a3P اور بیل آئیکن پر کلک کریں