چیئرمین استحکام پاکستان پارٹی جہانگیر ترین نے کہا ہے کہ الیکشن کا بروقت ہونا اور نئے ڈیٹا پر ہونا ضروری ہے۔
تفصیلات کے مطابق چیئرمین استحکام پاکستان پارٹی جہانگیر خان ترین نے استحکام پاکستان پارٹی کے رہنماؤں کے ساتھ ملاقات کے بعد میڈیا سے گفتگو کرتے ہوئے کہا کہ ہم تمام دوست اکٹھے جدوجہد کے ساتھی ہیں۔
انہوں نے کہا کہ جنرل عاصم منیر کی کاروباری شخصیات سے باتیں نہایت اہم ہیں، یہ باتیں ہونی چاہئیے تھی، یہ پاکستان کی ضرورت ہے اور یہ عملی گفتگو ہے۔
ان کا کہنا تھا کہ نواز شریف ایک جماعت کے قائد ہیں اور انکا واپس آنا خوش آئیند ہے، نواز شریف کو صورتحال کا سامنا کرنا چاہئیے، نوازشریف کے آنے سے انکی پارٹی کو فائدہ ہوگا، کسی کو بھی باہر نہیں رہنا چاہیے۔
ان کا یہ بھی کہنا تھا کہ میری شخصیت بی ٹیم کی نہیں ہے، ہم نے پاکستان کی بہتری کو دیکھنا ہے، اس وقت پاکستان کی بہتری کیلئے فوری الیکشن کی ضرورت ہے، الیکشن کا برقت ہونا اور نئے ڈیٹا پر ہونا ضروری ہے، پانچ سال کیلئے ایک حکومت آنی چاہئیے کو معاشی طور پر بڑے فیصلے کرے، فریش عوامی مینڈنٹ سے جو بھی حکومت میں آئے گا وہ ملک کے لئے بہتر فیصلے کرے گا۔
چیئرمین استحکام پاکستان پارٹی جہانگیر ترین نے مزید کہا کہ ہم تحریک انصاف کی اوریجنل سوچ کے ساتھ کھڑے ہیں، ہم اپنے مؤقف کے ساتھ کھڑے ہیں جبکہ تحریک انصاف کسی اور جانب چلی گئی ہے۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔
ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News