ایف آئی اے لاہور کی درخواست پر سپیشل جج سینٹرل لاہور نے چودھری پرویزالہیٰ کے بیٹے مونس الٰہی کی وارنٹ گرفتاری جاری کر دیئے۔

تفصیلات کے مطابق عدالت نے ایف آئی اے کی جانب سے سمن کی عدم تعمیل کی رپورٹ پر قابل ضمانت وارنٹ گرفتاری جاری کئے۔

ایف آئی اے کا کہنا تھا کہ مونس الٰہی کے سپین میں پتہ پر سمن کی تعمیل کرائی لیکن مونس الٰہی وہاں نہیں تھے، مونس الٰہی کے خلاف سمن کی رپورٹ برطانوی ایمبیسی کو بھی بھیجی گئی لیکن وہ سماعت سے پہلے واپس نہیں آئی۔

ایف آئی اے کے تفتیشی افسر نے کہا کہ اب برطانوی ایمبیسی سے رپورٹ آئی ہے کہ سمن وصول کرنے کے لیے کوئی نہیں تھا، سمن کو دروازے سے واپس دھکیل دیا گیا۔

عدالت نے کہا کہ ایف آئی اے نے وارنٹ گرفتاری کرنے کی استدعا کی ہے، عدالت کے پاس یقین کرنے کے لیے مواد موجود ہے کہ ملزم مفرور ہے اور سمن کی پابندی نہیں کرے گا، عدالت تفتیشی افسر کی درخواست منظور کرتے ہوئے قابل ضمانت وارنٹ گرفتاری جاری کرتی ہے۔

واضح رہے کہ عدالت نے 1 لاکھ کے مچلکوں کے عوض مونس الٰہی کے قابل ضمانت وارنٹ گرفتاری جاری کئے جبکہ کیس کی اگلی تاریخ 11 اکتوبر مقرر کی گئی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔