نگران وزیر خارجہ جلیل عباس جیلانی آزربائیجان کے دورے پر ہیں جہاں وہ کئی اہم شخصیات سے ملاقاتیں کر رہے ہیں۔

تفصیلات کے مطابق نگران وزیر خارجہ جلیل عباس جیلانی نے شوشا میں اقتصادی تعاون تنظیم کے سیکرٹری جنرل خسروو نوزیری سے ملاقات کی جو اقتصادی تعاون تنطیم کے وزرائے خارجہ اجلاس کی سائیڈ لاینز پر ہوئی۔

اس موقع پر نگران وزیر خارجہ نے ای سی او کے ویژن اور اہداف کے حوالے سے پاکستان کے عزم کی تجدید کی جبکہ سیکرٹری جنرل نے خطے میں ترقی و باہمی منسلکی کے فروغ میں پاکستان کو سراہا۔

دوسری جانب نگران وزیر خارجہ جلیل عباس جیلانی نے 27ویں اقتصادی تعاون تنظیم کے وزرائے خارجہ اجلاس سے خطاب کرتے ہوئے کہا کہ پاکستان اقتصادی تعاون تنظیم (ای سی او) کو بہت اہمیت دیتا ہے، یہ ہمارے خطے میں باقاعدہ تعامل، قریبی تعاون اور تعلقات کو مضبوط بنانے کے لیے راستے فراہم کرتا ہے۔

انہوں نے کہا کہ یہ تیزی سے بدلتے ہوئے جیو پولیٹیکل آرڈر میں ہماری آنے والی نسلوں کے لیے ایک روشن مستقبل کا وعدہ بھی جاری رکھے ہوئے ہے۔

جلیل عباس جیلانی نے یہ بھی کہا کہ پاکستان نے ہمیشہ ای سی او کے نظریات کو آگے بڑھانے میں ایک فعال کردار ادا کیا ہے، پاکستان مستقبل میں بھی تنظیم کی جانب سے پیش کردہ اقدامات کو آگے بڑھانے کے لیے پرعزم ہے۔

ان کا کہنا تھا کہ ہم ای سی او کو اپنے خطے کو ایک مثالی بلاک میں تبدیل کرتے دیکھنا چاہتے ہیں، ایسا بلاک جو علاقائی ترقی کو تحرک دیتا، اجتماعی ترقی کو فروغ دیتا اور مشترکہ ترقی کی حوصلہ افزائی کرتا ہے۔

نگران وزیر خارجہ کا یہ بھی کہنا تھا کہ یہ عالمی امن، استحکام اور خوشحالی کو فروغ دینے کا ایک لازمی عنصر ہے, ای سی او خطہ، 8 ملین مربع کلومیٹر اور نصف بلین افراد پر مشتمل ہے۔ای سی او کا خطہ دنیا کی 15 فیصد آبادی کی نمائندگی کرتا ہے، عالمی تجارت میں اس خطے کا حصہ صرف 2 فیصد ہے۔

انہوں نے کہا کہ ہماری بین الاعلاقائی تجارت خطے کی مجموعی تجارت کے 8 فیصد سے بھی کم ہے، یہ دیگر علاقائی گروپ مثلا یورپی یونین کے بالکل برعکس ہے جہاں بین الاعلاقائی تجارت 70 فیصد سے زیادہ ہے ہمیں اس متحرک کو تبدیل کرنے اور علاقائی تجارتی انضمام کی حمایت کے لیے پرعزم کوششیں کرنے کی ضرورت ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں  https://bit.ly/3Tv8a3P اور بیل آئیکن پر کلک کریں