سیلاب زدہ علاقوں کی بحالی کے لیے 3 ارب ڈالر کے منصوبے منظور کرلیے گئے ہیں۔

تفصیلات کے مطابق وزارت منصوبہ بندی نے سیلاب زدہ علاقوں کی بحالی کے لیے 3 ارب ڈالر کے منصوبے منظور کرلیے گئے ہیں، سی ڈی ڈبلیو پی کی مجموعی طور پر فور آر ایف کے تحت 21 ترقیاتی منصوبوں کی منظوری دے دی گئی ہے۔

منصوبے کامیابی سے پاکستان کے مختلف صوبوں بالخصوص سندھ اور بلوچستان میں جاری ہیں۔

وزارت منصوبہ بندی کا کہنا ہے کہ گزشتہ سال سیلاب سے 3 کروڑ سے زائد شہری متاثر ہوئے، پاکستان کو 30 ارب ڈالر کا معاشی نقصان بھی ہوا، جینیوا کنونشن میں پاکستان کو 10 ارب ڈالرز امداد کے وعدے ہوئے، منصوبوں پر عمل درآمد کے لیے اسٹیئرنگ کمیٹی کام کر رہی ہے۔

حکومت سیلاب سے متاثرہ علاقوں کی بحالی کے لئے پرعزم ہے، سمیع سعید

 نگراں وزیر منصوبہ بندی سمیع سعید نے ورلڈ بینک کے کنٹری ڈائریکٹر سے ملاقات کی جس میں سیلاب 2022 سے تباہی کے بعد بحالی کے منصوبوں پر تبادلہ خیال کیا گیا۔

ملاقات میں ورلڈ بینک کی مدد سے بحالی کے منصوبے جن میں انفراسٹرکچر، توانائی، ماحولیات اور دیگر منصوبوں پر تبادلہ خیال کیا گیا۔

نگراں وزیر منصوبہ بندی نے کہا کہ حکومت سیلاب سے متاثرہ علاقوں کی بحالی کے منصوبوں پر عملدرآمد کے لئے پرعزم ہے۔

ورلڈ بینک کے کنٹری ڈائریکٹر نے نگراں حکومت بالخصوص وزارت منصوبہ بندی کے کام کو خراج تحسین پیش کیا جبکہ انہوں نے منصوبوں کے جلد نفاذ کے لئے وزارت منصوبہ بندی کے کام کو سراہا اور مستقبل میں مزید مدد جاری رکھنے کے عزم کا بھی اظہار کیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں