پاکستان اور کویت نے تحفظ خوراک، زراعت، پن بجلی، معدنیات سمیت مختلف شعبوں میں اربوں ڈالر کی سرمایہ کاری کے 7معاہدوں اور 3مفاہمت کی یادداشتوں پر دستخط کئے ہیں۔
تفصیلات کے مطابق نگراں وزیراعظم انوار الحق کاکڑ کی کویت کے نائب وزیراعظم اور وزیر داخلہ شیخ طلال الخالد سے ملاقات ہوئی جس میں چیف آف آرمی سٹاف جنرل عاصم منیر بھی موجود تھے۔
ملاقات میں پاکستان اور کویت کے درمیان اربوں ڈالر سرمایہ کاری کی سات مفاہمتی یادداشتوں پر دستخط ہوئے، کویت مختلف شعبوں میں 10 ارب ڈالر سے زائد کی سرمایہ کاری کرے گا
نگراں وزیراعظم انوار الحق کاکڑ نے کویت کے ساتھ معاہدوں کو ایس آئی ایف سی کے تحت اہم سنگ میل قرار دیا۔
ملاقات میں فیصلہ کیا گیا کہ کویت غذائی تحفظ، زراعت، پن بجلی، واٹر سپلائی کے شعبوں میں سرمایہ کاری کرے گا، کویت معدنیات کی صنعت کہ فروخت کے لیے مائننگ فنڈ بھی قائم کرے گا جبکہ کویت ٹیکنالوجی زونز کے قیام اور مینگروو جنگلات کے تحفظ میں بھی سرمایہ کاری کرے گا۔
نگراں وزیراعظم انوار الحق کی کویت کے ولی عہد سے ملاقات
نگراں وزیراعظم انوار الحق کاکڑ نے ریاض میں مشترکہ عرب اسلامی غیر معمولی سربراہی اجلاس کے موقع پر کویت کے ولی عہد شیخ مشعل الاحمد الجابر الصباح سے ملاقات کی ہے۔
ملاقات میں دونوں رہنماؤں نے مقبوضہ فلسطین میں جاری تنازعہ پر تبادلہ خیال کیا جبکہ دونوں رہنماؤں نے دوطرفہ تعلقات بالخصوص اقتصادی اور سرمایہ کاری کے شعبوں پر بھی تبادلہ خیال کیا۔
ملاقات میں دونوں رہنماؤں نے غزہ میں جاری اسرائیلی جارحیت اور محاصرے کے دوران شہریوں کے بنیادی ڈھانچے کی بڑے پیمانے پر تباہی پر گہری تشویش کا اظہار کیا۔
نگراں وزیراعظم نے اسرائیل کے ناجائز قبضے سے آزادی کے لیے فلسطینی کاز پر پاکستان کے دیرینہ اصولی موقف کا اعادہ کیا جبکہ انہوں نے اقوام متحدہ اور او آئی سی کی متعلقہ قراردادوں کے مطابق دو ریاستی حل کے لیے پاکستان کی مسلسل حمایت پر بھی روشنی ڈالی۔
نگراں وزیراعظم انوار الحق نے کویتی ولی عہد کو خصوصی سرمایہ کاری سہولت کونسل کے بارے میں آگاہ کیا اور کویت کو پاکستان میں سرمایہ کاری کے مواقع سے مستفید ہونے کی دعوت دی۔
ملاقات میں کویت کے ولی عہد شیخ مشعل الاحمد الجابر الصباح نے کویت کی ترقی میں پاکستانی تارکین وطن کے کردار کو سراہا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News