گورنر سندھ کامران ٹیسوری نے کہا ہے کہ آرمی چیف کی معاشی بہتری کیلئے بے پناہ خدمات ہیں۔
تفصیلات کے مطابق گورنر سندھ کامران ٹیسوری نے لندن میں میڈیا سے گفتگو کرتے ہوئے کہا کہ نو مئی کے واقعات میں ملوث افراد کو عوام ووٹ کے ذریعے مسترد کریں، نو مئی کے واقعات میں ملوث افراد کو فوری سزا ملنی چاہیئے۔
انہوں نے کہا کہ ماضی میں بھی دہشتگردی کے واقعات میں غیرقانونی افغان ملوث تھے، بدنام پاکستان ہوا، نو مئی واقعے کے ایک ہفتے کے اندر چیئرمین پی ٹی آئی کو سزا ہو جانی چاہیے تھی، نو مئی میں ملوث افراد کو سرعام سزا ہونی چاہئے تھی، ٹرائل کی بھی ضرورت نہیں تھی۔
ان کا کہنا تھا کہ نو مئی کے واقعات نے دنیا بھر میں پاکستان کی رسوائی کی، نو مئی کو پاکستان کے محافظ اداروں کو بھی نہیں بخشا گیا، سرحدوں کی محافظ مسلح افواج پر حملے کئے گئے،نو مئی کے واقعات کھلی دہشتگردی تھی، اصولی طور پر نو مئی کے ملزمان کو اسی روز سزا ہونی چاہیے تھی۔
کامران ٹیسوری نے کہا کہ نوازشریف نے مجھ سے ملاقات میں پاکستان کے استحکام کی بات کی،میں نے نوازشریف کو پاکستان کے بارے میں بہت فکرمند پایا،نوازشریف لندن میں رہ کر بھی دکھی نظر آتے تھے، دعا ہے نوازشریف پاکستان میں مثبت کردار ادا کریں۔
انہوں نے کہا کہ شہباز شریف سے چند روز پہلے بھی بات ہوئی ہے، تین بار کے منتخب وزیراعظم کی بات کا مکمل احترام ہونا چاہئے۔
ان کا کہنا تھا کہ غیر قانونی مقیم افغان شہریوں کو فوری طور پر پاکستان سے نکالنا چاہیے، پاکستان سے غیرقانونیوں کو باہر نکالنے میں جنرل عاصم منیر کا اہم کردار ہے۔
گورنر سندھ کامران ٹیسوری نے مزید کہا کہ آرمی چیف جنرل عاصم منیر کی کاوشوں سے ڈالر قابو میں آیا، آرمی چیف کی پاکستان کی معاشی بہتری کیلئے بے پناہ خدمات ہیں۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News