سربراہ پاک فضائیہ ایئر چیف مارشل ظہیر احمد بابر سدھو نے کہا ہے کہ قوم کو لاحق خطرے سے نمٹنے کیلئے پر عزم ہیں۔

تفصیلات کے مطابق سربراہ پاک فضائیہ ایئر چیف مارشل ظہیر احمد بابر سدھو نے میانوالی ایئر بیس کا دورہ کیا جہاں انہوں نے دشمنان وطن کو جہنم واصل کرکے دراندازی کی بہیمانہ کوشش کو بروقت ناکام بنانے پر پاک فضائیہ کے اہلکاروں کی غیرمتزلزل پیشہ ورانہ مہارت اور بہادری  کو سراہا۔

چیف آف دی ایئر سٹاف نے بیس پر اہلکاروں سے گفتگو کرتے ہوئے  وطن پر جان نچھاور کرنے کے غیر متزلزل عزم کی تعریف کی اور بیس اہلکاروں کی حوصلے آفزائی بھی کی۔

ایئر چیف نے دہشتگرد تنظیموں و انتہاء پسند عناصر کو ناکام بنانے کے لیئے پاک فضائیہ کے اہلکاروں کی بھرپور آپریشنل تیاریوں پر زور دیا، سیکیورٹی خدشات کے تناظر میں اہلکاروں کی پیشہ ورانہ مہارت اور آپریشنل تیاریوں کے اعلیٰ ترین معیار کا اعادہ کیا اور پاک فوج کی ضرار کمپنی اور سول قانون نافذ کرنے والے اداروں پر مشتمل جوائنٹ آپریشنز ٹیم سے بھی اظہار تشکر کیا۔

سربراہ پاک فضائیہ ایئر چیف مارشل ظہیر احمد بابر سدھو نے کہا کہ الموجودہ دفاعی صورتحال ہماری جانب سے غیر متزلزل چوکسی اور  بے مثال عزم کی متقاضی ہے، قوم کو درپیش کسی بھی خطرے سے نمٹنے کے لیئے پر عزم ہیں، پاک فضائیہ پاکستان کی خودمختاری اور علاقائی سالمیت کے تحفظ کے لیے اپنا بھرپور کردار ادا کرتی رہے گی۔

سربراہ پاک فضائیہ ایئر چیف مارشل ظہیر احمد بابر سدھو نے مزید کہا کہ سربراہ پاک فضائیہ کا دورہ تمام اہلکاروں سے یکجہتی اور اس امر کی یقین دہانی کرانے کے لیئے واضح پیغام ہے، پاک فضائیہ کے اہلکار ملک و قوم کے تحفظ کے لیے اپنے فرض پر ثابت قدم ہیں، دورہ پیشہ ورانہ مہارت، بہادری اور لگن کے اعلیٰ ترین معیار کو برقرار رکھنے کے پاک فضائیہ کے غیر متزلزل عزم کا منہ بولتا ثبوت ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں