وزير اعظم کا نمائندہ برائے بین المذاہب ہم آہنگی و چیئرمین پاکستان علماء کونسل حافظ علامہ طاہر اشرفی نے کہا ہے کہ اسرائیل سے متعلق پاکستان کا وہی مؤقف ہے جو قائداعظم کا تھا۔
تفصیلات کے مطابق وزير اعظم کا نمائندہ برائے بین المذاہب ہم آہنگی و چیئرمین پاکستان علماء کونسل حافظ علامہ طاہر اشرفی نے فلسطین كانفرنس میں خطاب کرتے ہوئے کہا کہ آج کا موضوع پوری دنیا کا موضوع ہے، غزہ صرف مسلمانوں کا نہیں پوری دنیا کا مسئلہ ہے، غزہ کے لوگوں کو اپنی ہی زمین سے نکالنے کا پلان بن چکا ہے، ہمیں قانون میں رہ کر کوشش کرنے کی ضرورت ہے۔
انہوں نے کہا کہ جن کو پاکستان میں عورتوں کے حقوق پر درد ہوتا ہے آج وہ غزہ کی بچیوں کی شہادت پر خوشیوں کا اظہار کر رہے ہیں، کیا صرف یہودی انسان ہیں فلسطینی انسان نہیں ہیں۔
ان کا کہنا تھا کہ ایک جال بچھایا گیا کہ ایک نیا انقلاب کا نعرہ لگایا جائے طاقتور مسلم ملکوں میں ایسا ماحول بنایا جائے کہ کوئی بات نہ کر سکے، آج ترکی پاکستان مصر بھی غزہ کی آزادی کی بات کر رہا ہے، آج ایک آواز آرہی ہے غزہ آزاد ہوگا اور ہم شکرانے کے نوافل ادا کریں گے۔
علامہ طاہر اشرفی نے کہا کہ ہمارے ملک کے حالات بھی خراب کیے جا رہے ہیں، امریکہ کا چھوڑا گیا اسلحہ ہمارے ملک کے مختلف دہشت گردی کے واقعات میں استعمال ہوتا ہے، القدس کل بھی ہمارا تھا آج بھی ہمارا ہے اور ہوگا، فلسطین کا ایک ایک انچ ہمارا ہے۔
انہوں نے کہا کہ جو قانون اور انسانی حقوق کی بات کرتے ہیں وہ کہتے ہیں اپنی زمین گھر اور مقدس مقامات چھوڑو اور ویرانے میں شفٹ ہوجاؤ، ذمہ داری کے ساتھ کہتا ہوں پاکستان کی ریاست اور عوام کا ایک فیصلہ ہے، جو فیصلہ فلسطین کا ہے وہ ہمارا فیصلہ ہے، اسرائیل سے متعلق پاکستان کا وہی مؤقف ہے جو قائداعظم کا تھا ۔
ان کا کہنا تھا کہ فلسطین کا مسئلہ کسی گروہ کا نہیں امت کا ہے،12 تاریخ کو وزیراعظم سعودی عرب میں کانفرنس پر جائیں گے اور اپنا مؤقف بیان کریں گے، پاکستان سب ممالک سے زیادہ فلسطین حکام سے رابطہ میں ہے، ہمیں امت بن کر حالات کا مقابلہ کرنا ہے۔
علامہ طاہر اشرفی نے کہا کہ ہم سب ایک ہیں، فلسطین کے لیے جہاں بھی پر امن احتجاج ہو وہاں شریک ہوں، شیعہ و سنی فلسطین کے معاملہ پر سب ایک ہیں۔
انہوں نے کہا کہ واحد پاکستان ہے جس کے سپاہ سالار نے فلسطین کے سفیر سے ملاقات کی، انڈیا سے سوشل میڈیا پر چیز نشر ہوتی ہے اور ہمارے نوجوان اس کا شکار بنتے ہیں، میں اپنے شہداء کو سلام پیش کرتا ہوں جنہوں نے ہمارے لیے جانیں قربان کیں، اللہ سے مدد مانگ رہےہیں اور اللہ کی مدد آرہی ہے اور آئے گی بھی سہی، اللہ مدد کرتا ہے تو پتہ نہیں چلتا کہ کہاں سے ابابیل پیدا ہو جاتے ہیں۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News