فیڈرل بورڈ آف ریونیو (ایف بی آر) نے رواں مالی سال کے ٹیکس اقدامات پر عالمی مالیاتی فنڈ (آئی ایم ایف) کو پلان پیش کر دیا ہے۔
ذرائع کے مطابق آئی ایم ایف سے ٹیکس وصولی کا پلان شیئر کرنے کے معاملے پر رواں مالی سال کے ٹیکس اقدامات پر آئی ایم ایف کو پلان پیش کردیا گیا، پلان نومبر تا جون 7 ہزار ارب روپے کی ٹیکس محصولات یقینی بنائے گا۔
ذرائع کا کہنا ہے کہ آئی ایم ایف نے ہر صورت رواں مالی سال کا ٹیکس ہدف حاصل کرنے کا مطالبہ کیا ہے، آئی ایم ایف چاہتا ہے کہ مختلف شعبوں سےفراہم کردہ پلان کےتحت کمی نہ ہو۔
ذرائع کے مطابق آئی ایم ایف نے مطالبہ کیا کہ شارٹ فال کی صورت میں ایف بی آر کو اقدام لینا ہوں گے۔
ذرائع کے مطابق 10لاکھ مزید ٹیکس گزار تلاش کرنے کا پلان بھی پیش کردیا، نئے ٹیکس دھندہ کے لیے ٹیکنالوجی کا استعمال کیا جائے گا، 3 ہزار ارب وصولی کا پلان وزارت قانون سے مشورے کے بعد پیش کیا جائے گا۔
ذرائع کا کہنا ہے کہ ریٹیلرز کو ٹیکس نیٹ میں لانے کے لیے تجاویز پر بریفنگ دی گئی، ایف بی آر نے رواں مالی سال جولائی اکتوبر میں ہدف سے زیادہ وصولیاں کیں، رواں مالی سال کے پہلے 4 ماہ میں ایف بی آر نے ہدف سے زائد 2748 ارب جمع کیے۔
ذرائع کے مطابق ایف بی آر نے آئندہ ماہ میں 6667 ارب روپے کی وصولی کرنا ہے، ایف بی آر نے رواں مالی سال کے 4 میں158 ارب کے ریفنڈز بھی جاری کیے۔
آئی ایم ایف مشن سے مذاکرات کامیاب ہونے کی قوی امید ہے، نگران وزیر خزانہ
نگران وفاقی وزیر شمشاد اختر نے میڈیا سے غیررسمی گفتگو کرتے ہوئے کہا کہ تمام اداروں نے اہداف پر عملدرآمد کیا، کارکردگی اطمینان بخش ہے۔
انہوں نے کہا کہ آئی ایم ایف کے ساتھ مذاکرات مثبت طریقے سے آگے بڑھ رہے ہیں، آئی ایم ایف کے ساتھ معاشی ٹیم مذاکرات میں مصروف عمل ہے۔
شمشاد اختر نے کہا کہ دعا ہے کہ آئی ایم ایف کے ساتھ مذاکرات اچھے انداز سے کامیاب ہو جائیں۔
نگران وزیر خزانہ نے مزید کہا کہ آئی ایم ایف کے ساتھ میری اور معاشی ٹیم کی میٹنگز بہتر ہوئی ہیں، پالیسی سطح کے مذاکرات میں خود شرکت کروں گی۔
دوسری جانب آئی ایم ایف اور وزارت خزانہ حکام کے درمیان تکنیکی سطح کے مذاکرات جاری ہیں، تاہم اس دوران وزارت خزانہ آئی ایم ایف کو جون 2024 تک 6670 ارب روپے محصولات جمع کرنے کا پلان جمع کرائے گی۔
وزارت خزانہ کے ذرائع کا کہنا تھا کہ پروجیکشن رپورٹ میں تمام سیکٹر سے محصولات کی رپورٹ پیش کی جائے گی، آئی ایم ایف نے ایف بی آر سے زیر التوا ٹیکس کیسز پر پیشرفت پر بھی رپورٹ آج مانگ رکھی ہے جبکہ ٹیکس نیٹ میں شامل 10 لاکھ نئے ٹیکس دہندگان کی تفصیلات آئی ایم ایف کو شیئر کر دی گئی ہے۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News