امیر جماعت اسلامی کراچی حافظ نعیم الرحمان نے کہا ہے کہ جماعت اسلامی کراچی میں سب سے بڑی جماعت بن کر سامنے آئے گی۔
حافظ نعیم الرحمان نے میڈیا سے گفتگو کرتے ہوئے کہا کہ بلاول بھٹو خود لیاری سے الیکشن لڑنے کے قابل نہیں، کراچی میں آپ کا مینڈیٹ ہے تو الیکشن لڑنے سے کیوں ڈرتے ہیں۔
انہوں نے کہا کہ ہمیں ایک بھی ووٹ اور سیٹ جعلی اضافی نہیں چاہیے، کسی کو جعلی ایک ووٹ کا اضافہ بھی نہیں کرنے دیں گے۔
امیر جماعت اسلامی نے کہا کہ کوئی بھی جماعت کراچی کے مسائل حل کرنے کیلئے تیار نہیں، کراچی میں جماعت اسلامی سب سے بڑی جماعت بن کر سامنے آئے گی۔
انکا کہنا تھا کہ پیپلز پارٹی نے قبضہ کر کے میئر بنایا ہے، ہم نے بلدیاتی انتخاب سے بہت کچھ سیکھا ہے۔
حافظ نعیم الرحمان نے مزید کہا کہ نوجوان ملک کا قیمتی اثاثہ ہیں، ملک کے بچوں کے مستقبل کی فکر ہے، آج جلسے میں نوجوانوں کو لائحہ عمل دیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News