آرمی چیف جنرل عاصم منیر نے کہا ہے کہ پاکستان کی مسلح افواج کسی بھی جارحیت کو ناکام بنانے کیلئے ہمہ وقت تیار ہیں۔
پاک فوج کے شعبہ تعلقات عامہ (آئی ایس پی آر) کے مطابق پاک فضائیہ کی آپریشنل بیس پر جے 10 سی طیاروں کی شمولیت کی تقریب ہوئی جس میں چیف آف آرمی اسٹاف جنرل سید عاصم منیر نے بطور مہمان خصوصی شرکت کی۔
تقریب کے دوران پاک فضائیہ کے طیاروں نے خوبصورت ایئر شوپیش کیا۔
پی اے ایف بیس آمد پر ایئر چیف مارشل ظہیر احمد بابر سدھو نے آرمی چیف کا استقبال کیا جبکہ پاک فضائیہ کے چاق و چوبند دستے نے گارڈ آف آنر پیش کیا۔
تقریب میں پاک فضائیہ شامل ہونے والے نئے ویپن سسٹمز اور دفاعی اثاثے نمائش کے لئے رکھے گئے۔
سربراہ پاک فضائیہ کا اس موقع پر کہنا تھا کہ لانگ رینج ویکٹرز اور دیگر ویپن سسٹمز کی پاک فضائیہ میں شمولیت سے ملکی فضائی دفاع مضبوط ہوا، پاک فضائیہ ہر چیلنج سے نمٹنے کے لیے تیار ہے، سائبر اور اسپیس ٹیکنالوجی میں فضائیہ نے گراں قدر کامیابیاں حاصل کی ہیں، پاک فضائیہ وطن کے دفاع کو یقینی بنانے کے لیے پرعزم ہیں۔
آرمی چیف نے پاک فضائیہ کی آپریشنل تیاریوں کی تعریف کرتے ہوئے کہا کہ پاک فضائیہ میں اسٹیٹ آف دی آرٹ ویپن سسٹم کی شمولیت بڑی کامیابی ہے، پاک فضائیہ خطے میں طاقت اور توازن کو مستحکم کر رہی ہے، فضائیہ کی جدید ٹیکنالوجی کے حصول کی جدوجہد قابل تقلید ہے، مسلح افواج ہرجارحیت کا بھرپور جواب دینے کے لیے تیار ہیں۔
آرمی چیف نے غزہ متاثرین کے لیے امدادی سامان بھجوانے میں فضائیہ کے اقدامات کو سراہا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News