الیکشن ملتوی کروانے کی ایک اور قرارداد سینیٹ سیکریٹریٹ میں جمع کرادی گئی ہے۔
تفصیلات کے مطابق الیکشن ملتوی کروانے کی قرارداد سینیٹر ہلال الرحمان نے سینیٹ سیکریٹریٹ میں جمع کرائی۔
قرارداد میں کہا گیا ہے کہ شدید سردی اور برفباری خیبر پختونخوا میں شہریوں کو ساز گاز ماحول میں ووٹ ڈالنے سے روک رہی ہے، امیداروں کے لیے الیکشن مہم چلانے بے شمار چیلنجز پیدا ہو رہے ہیں۔
قرارداد کے مطابق خیبر پختونخوا میں سیکیورٹی خدشات کے باعث امیداروں کو انتخابی مہم کے دوران دہشت گردوں کے حملے کا خدشہ ہے۔
قرارداد میں مزید کہا گیا کہ خیبر پختونخوا کے ووٹرز اور امیدواروں میں احساس محرومی ہے جبکہ الیکشن تاریخ غیر موزوں ثابت ہو رہی ہے۔
یہ بھی پڑھیں: انتخابات ملتوی کرانے کی ایک اور قرارداد سینیٹ میں جمع
قرارداد میں استدعا کی گئی کہ عام انتخابات کو 8 فرروی کی بجائے موزوں تاریخ تک ملتوی کیا جائے۔
واضح رہے کہ عام انتخابات ملتوی کرانے کے لیے آج جمع کرائی گئی اس نوعیت کی یہ تیسری قرارداد ہے، تاہم 2 روز قبل بھی ایوان بالا میں عام انتخابات کے التوا کی ایک قرارداد جمع کرائی گئی تھی، قرارداد فاٹا سے تعلق رکھنے والے آزاد سینیٹر ہدایت اللہ کی جانب سے جمع کرائی گئی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News