الیکشن کمیشن نے لاہور ہائیکورٹ سے 9 ججز کے نام مانگ لیے

ویب ڈیسک

20th Feb, 2024. 02:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

الیکشن کمیشن نے لاہور ہائیکورٹ سے 9 ججز کے نام مانگ لیے

الیکشن میں دھاندلی کے الزامات کی تحقیقات کے لیے ٹربیونلز کی تشکیل کے معاملے پر الیکشن کمیشن آف پاکستان نے لاہور ہائیکورٹ سے 9 ججز کو بطور ٹربیونل تعینات کرنے کے لیے نام مانگ لیے۔

لاہور ہائیکورٹ نے ججز کی کمی اور زیر التوا کیسز میں اضافہ کے باعث الیکشن کمیشن کو 9 ججز کی خدمات دینے سے انکار کردیا، تاہم لاہور ہائیکورٹ نے صرف 2 ججز کو ٹربیونل تعینات کرنے کے لیے نام الیکشن کمیشن کو بھجوائے۔

جسٹس سرفراز ڈوگر اور جسٹس سلطان تنویر بطور ٹربیونل جج فرائض سر انجام دیں گے جبکہ لاہور ہائیکورٹ کے 2 ججز کو ٹربیونل تعینات کرنے کے بعد ججز کی تعداد 37 رہ جائے گی۔

لاہور ہائیکورٹ میں اڑھائی سال سے ججز کی تقرری نہیں ہو سکی، لاہور ہائیکورٹ کی جانب سے ججز کی تقرری کے لیے دو مرتبہ فہرست کمیشن کو بھجوائی گئی، تاہم ججز کی تقرری نہ ہونے سے لاہور ہائی کورٹ میں مقدمات کی تعداد میں اضافہ ہوا۔

واضح رہے کہ لاہور ہائی کورٹ میں اس قت دو لاکھ سے زائد کیسز زیر التوا ہیں۔