فردوس عاشق اعوان نے پولیس اہلکار کو تھپڑ مارنے پر تحریری طور پر معافی مانگ لی

فہد

15th Feb, 2024. 11:34 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فردوس عاشق اعوان نے پولیس اہلکار کو تھپڑ مارنے پر تحریری طور پر معافی مانگ لی

استحکام پاکستان پارٹی (آئی پی پی) کی رہنما فردوس عاشق اعوان نے پولیس اہلکار کو تھپڑ مارنے پر تحریری طور پر معافی مانگ لی۔

فروس عاشق اعوان نے الیکشن کمیشن کے باہر میڈیا سے گفتگو میں کہا کہ فرط جذبات میں یہ واقعہ ہوا، افسوسناک تھا، نہیں ہونا چاہیے تھا۔

انہوں نے کہا کہ پولیس اہلکار کی ذمہ داری تھی مجھے تحفظ فراہم کرنا، پولیس اہلکار مخالفین کی ایماء پر کام کر رہا تھا۔

آئی پی پی کی رہنما نے مزید کہا کہ تھپڑ مارنے کے کیس میں تحریری جواب الیکشن کمیشن میں جمع کروا دیا ہے، الیکشن کمیشن سے درخواست کی ہے کہ تھپڑ مارنے سے پہلے اور اس کے بعد کے حالات کا بھی جائزہ لیا جائے۔

یہ بھی پڑھیں: اہلکارکو تھپڑ مارنےکا معاملہ؛ فردوس عاشق اعوان کو تحریری جواب جمع کرانے کا حکم

اس سے قبل الیکشن کمیشن میں ممبر سندھ نثار درانی کی سربراہی میں دو رکنی بینچ نے فردوس عاشق عوان کی جانب سے پولیس اہلکار کو تھپڑ مارنے کے کیس کی سماعت کی۔

فردوس عاشق اعوان نے تحریری جواب الیکشن کمیشن میں جمع کروا دیا جبکہ تھپڑ کھانے والے پولیس اہلکار کی جانب سے بھی تحریری جواب جمع کرادیا گیا۔

بینچ نے کہا کہ الیکشن کمیشن آج کی سماعت کا حکم نامہ بعد میں جاری کرے گا۔