اسلام آباد: وفاقی حکومت نے چیئرمین نادرا کی تعیناتی سے متعلق بڑا فیصلہ کرلیا ہے۔
ذرائع کے مطابق وفاقی کابینہ نے لیفٹننٹ جنرل محمد منیر افسر کی 3 سال کیلئے چیئرمین نادرا تعیناتی کی منظوری دے دی جبکہ نگران حکومت نے بھی لیفٹننٹ جنرل محمد منیر افسرکی بطورچیئرمین نادرا تعیناتی تاحکم ثانی کی تھی۔
ذرائع نے بتایا ہے کہ حاضر سروس آفیسر نے چیئرمین نادرا تعیناتی کیلئے متعلقہ رول شامل کرنے کی منظوری دے دی جبکہ وفاقی کابینہ کیا جنب سے سرکولیشن کے ذریعے وزارت داخلہ کی سمری بھی منظور کرلی گئی۔
ذرائع کا کہنا ہے کہ نگران دور کی تعیناتی، متعلقہ رولز کی منتخب وفاقی حکومت سے توثیق کی ضرورت تھی، تاہم الیکشن ایکٹ کے سیکشن 230 کے تحت اسی عرصے کی تعیناتی قلیل مدتی تصور ہوتی ہے۔
علاوہ ازیں وفاقی کابینہ نے نادرا رولز 2020 میں رول 7 اے شامل کرنے کی بھی منظوری دی ہے، رول 7 اے کے تحت کسی بھی حاضر سروس آفیسر کو قومی مفاد میں چیئرمین نادرا تعینات کیا جاسکتا ہے جبکہ حاضرسروس آفیسر کا عہدہ گریڈ 21 سے کم نہیں ہو سکتا۔
واضح رہے کہ محمد منیر افسر کی بطور چیئرمین نادرا تعیناتی 2 اکتوبر 2023 کو کی گئی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News