اسلام آباد: صدر پاکستان آصف علی زرداری نے دونوں ممالک کے باہمی فائدے کے لیے کوٹ ڈی آئیور کے ساتھ اقتصادی اور ثقافتی تعلقات کو بڑھانے کی ضرورت پر زور دیا ہے۔
صدر مملکت آصف علی زرداری سے کوٹ ڈی آئیور میں پاکستان کے نامزد سفیر محمود اختر محمود کی ملاقات ہوئی ہے۔
دوران ملاقات صدر آصف زرداری نے گفتگو کرتے ہوئے کہا کہ کوٹ ڈی آئیور کے ساتھ اقتصادی اور ثقافتی تعلقات بڑھانے کی ضرورت ہے، پاکستان کے کوٹ ڈی آئیور کے ساتھ خوشگوار تعلقات ہیں۔
انہوں نے کہا کہ نامزد سفیر کوٹ ڈی آئیور کے ساتھ تجارتی اور اقتصادی تعلقات آگے بڑھانے کے مواقع تلاش کریں، کوٹ ڈی آئیور کو پاکستانی چاول، طبی اور جراحی آلات، دوائیں اور کھیلوں کے سامان کی برآمدات بڑھانے کے بہت زیادہ امکانات موجود ہیں۔
صدر مملکت نے دونوں ممالک کے درمیان دوستی مضبوط بنانے کیلئے ثقافتی تعلقات بڑھانے کی ضرورت پر زور دیا اور کہا کہ نامزد سفیر کوٹ ڈی آئیور کے ساتھ عوامی روابط فروغ دینے کے امکانات بھی تلاش کریں اور کوٹ ڈی آئیور کے ساتھ دوطرفہ تعاون مزید بہتر بنانے کیلئے کوششیں کریں۔
اس موقع پر صدر آصف علی زرداری نے محمود اختر محمود کو کوٹ ڈی آئیور میں بطور پاکستانی سفیر تقرری پر مبارکباد بھی دی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News