وزیراعلیٰ پنجاب سے وزیر خزانہ کی ملاقات؛ ملکی معاشی صورتحال پر گفتگو

ویب ڈیسک

25th Mar, 2024. 11:07 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعلیٰ پنجاب سے وزیر خزانہ کی ملاقات؛ ملکی معاشی صورتحال پر گفتگو

لاہور: وزیر اعلیٰ پنجاب مریم نواز شریف سے وفاقی وزیر خزانہ محمد اورنگزیب سے ملاقات ہوئی جس میں ملکی معاشی صورتحال اور باہمی دلچسپی کے امور پر گفتگو کی گئی۔

ملاقات میں وزیر خزانہ محمد اورنگزیب نے وزیر اعلیٰ مریم نواز شریف کو منصب سنبھالنے پر مبارکباد دی۔

دوران ملاقات مریم نواز نے گفتگو کرتے ہوئے کہا کہ مل جل کر پاکستان کو معاشی مشکلات دور سے نکالیں گے، وزیر خزانہ اورنگزیب سے معاشی بہتری کے لیے عوام دوست فیصلوں کی توقع ہے۔

اس موقع پر وزیر اعلیٰ مریم نواز شریف نے محمد اورنگزیب کو وزارت خزانہ کا قلمدان سنبھالنے پر نیک خواہشات کا بھی اظہار کیا۔

دوسری جانب وفاقی وزیر خزانہ محمد اورنگزیب نے کہا کہ مریم نواز شریف کا پہلی خاتون وزیر اعلیٰ پنجاب منتخب ہونا سنگ میل ہے، ان کے سماجی فلاح کے اقدامات نہایت احسن ہیں۔

واضح رہے کہ صوبائی وزیر خزانہ مجتبیٰ شجاع الرحمن، سینیئر صوبائی وزیر مریم اورنگزیب، سابق سینیٹر پرویز رشید بھی اس موقع پر موجود تھے۔