حکومت نے ڈرائیونگ لائسنس بنوانے کے خواہشمند افراد کیلئے اہم اعلان کر دیا ہے۔
وزیراعلیٰ پنجاب مریم نواز کی زیر صدارت خصوصی اجلاس ہوا جس میں ”دستک“ پروگرام کا جائزہ لیا گیا۔
اجلاس میں وزیراعلیٰ پنجاب نے ضلعی اور انتظامی محکموں کو جلد از جلد دستک سروسز مہیا کے لیے اقدامات کا حکم دیا۔
اس ایپ سروسز کے ذریعے ابتدائی طور پر لوکل گورنمنٹ اور دیگر محکموں کی دس سروسز میسر ہوں گی، عوام بتدریج سرکاری محکموں کی 100 سے زائد سروسز آن لائن یا کال کرکے حاصل کرسکیں گے۔
وزیراعلیٰ کو بریفنگ میں بتایا گیا کہ پہلے مرحلے میں لاہور کے عوام کو ان کی دہلیز پر 10 سروسز دی جا رہی ہیں، اگلے فیز میں پولیس ویری فکیشن اور ڈرائیونگ لائسنس بھی گھر کی دہلیز پر ملے گی۔
ڈرائیونگ لائسنس کی تجدید، ایف آئی آر کی کاپی، کرایہ دار کی رجسٹریشن بھی گھر کی دہلیز پر ملے گی، بریفنگ میں بتایا گیا کہ مخصوص رائیڈر سرکاری محکموں کی سروس شہری کی گھر پر مہیا کرے گا۔
پنجاب کے شہری پیدائشی و ڈیتھ سرٹیفکیٹ، شادی و طلاق سرٹیفکیٹ، ڈومیسائل، ای اسٹیمپ، وہیکل رجسٹریشن و ٹرانسفر، ٹوکن ٹیکس اور پراپرٹی ٹیکس سروسز اپنے گھر کی دہلیز پر حاصل کر سکیں گے۔
بریفنگ میں بتایا گیا کہ 50 ہزار سے زائد ملازمتیں پیدا ہوں گی، اس کے علاوہ شہری 1202 پر کال کرکے یا دستک ایپ کے ذریعے مطلوبہ سروس لے سکے گا۔
اس موقع پر وزیراعلیٰ پنجاب مریم نواز نے رائیڈرز کی فوری رجسٹریشن اور ٹریننگ شروع کرنے کی ہدایت کی اور کہا کہ حکومت عوام کی سہولت اور گڈ گورننس ہر حال میں یقینی بنائے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News