وفاقی وزیر قانون و انصاف سینیٹر اعظم نذیر تارڑ نے کہا ہے کہ فیڈرل بورڈ آف ریونیو عدالتوں کے لیے آج وقتی محکمانہ نمائندہ نامزد کرے گا تاکہ ٹیکس سے متعلق مقدمات کو جلد از جلد نمٹا جا سکے۔
وزارت قانون و انصاف کی جانب سے جاری اعلامیے کے مطابق وفاقی وزیر اعظم نذیر تارڑ نے گزشتہ روز اسلام آباد میں ٹیکس اصلاحات اور ٹیکس وصولی کے حوالے سے اجلاس کی صدارت کی جس کے دوران چند اہم فیصلے کیے گئے۔
اس موقع پر وفاقی وزیر قانون اعظم نذیر تارڑ نے ہدایت کی کہ فیڈرل بورڈ آف ریونیو (ایف بی آر) محکمانہ نمائندہ (ڈیپارٹمنٹل ریپرزنٹیٹو) کی 15 دن کی بجائے آج وقتی نامزدگی کرے جو ایف بی آر کی جانب سے پیش ہو گا۔
وزیر قانون نے مزید کہا کہ آج وقتی محکمانہ نمائندے کی نامزدگی سے ٹیکس سے متعلق معاملات کو مناسب طریقے سے نمٹانے اور مقدمات کو التواء سے بچانے میں مدد ملے گی۔
اعلامیے میں مزید بتایا گیا کہ اجلاس میں سیکریٹری قانون راجہ نعیم اکبر اور آفاق قریشی ممبر آپریشنز (آئی آر) نے شرکت کی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News