صدر مملکت آج پارلیمنٹ کے مشترکہ اجلاس سے خطاب کریں گے

ویب ڈیسک

18th Apr, 2024. 09:23 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صدر مملکت آج پارلیمنٹ کے مشترکہ اجلاس سے خطاب کریں گے

اسلام آباد: صدر مملکت آصف علی زرداری نئے پارلیمانی سال کے آغاز پر پارلیمنٹ کے مشترکہ اجلاس سے آج خطاب کریں گے۔

پارلیمنٹ کا مشترکہ اجلاس آج شام 4 بجے ہوگا جس میں صدر مملکت آصف زرداری خطاب کریں گے اور خطاب کے ساتھ ہی نئے پارلیمانی سال کا آغاز ہوجائے گا۔

نئے پارلیمانی سال کے آغاز پر صدر مملکت کا خطاب آئینی تقاضا ہے، پارلیمنٹ کے مشترکہ اجلاس سے خطاب کی تیاریاں مکمل کرلی گئی ہیں۔

واضح رہے کہ چیف جسٹس، صوبائی گورنرز اور وزرائے اعلیٰ کو پارلیمنٹ کے مشترکہ اجلاس میں شرکت کی دعوت دے دی گئی ہے جبکہ چیئرمین جوائنٹ چیفس آف اسٹاف کمیٹی سمیت تینوں سروسز چیفس کو بھی دعوت دی گئی ہے۔

وزیراعظم آزاد کشمیر، گورنر اور وزیراعلیٰ جی بی، چاروں صوبائی اسپیکرز، اسپیکر آزاد کشمیر اور اسپیکر گلگت بلتستان قانون ساز اسمبلی کو بھی اجلاس میں شرکت کے لئے مدعو کیا گیا ہے۔