اسلام آباد: صدر مملکت آصف علی زرداری نئے پارلیمانی سال کے آغاز پر پارلیمنٹ کے مشترکہ اجلاس سے آج خطاب کریں گے۔
پارلیمنٹ کا مشترکہ اجلاس آج شام 4 بجے ہوگا جس میں صدر مملکت آصف زرداری خطاب کریں گے اور خطاب کے ساتھ ہی نئے پارلیمانی سال کا آغاز ہوجائے گا۔
نئے پارلیمانی سال کے آغاز پر صدر مملکت کا خطاب آئینی تقاضا ہے، پارلیمنٹ کے مشترکہ اجلاس سے خطاب کی تیاریاں مکمل کرلی گئی ہیں۔
واضح رہے کہ چیف جسٹس، صوبائی گورنرز اور وزرائے اعلیٰ کو پارلیمنٹ کے مشترکہ اجلاس میں شرکت کی دعوت دے دی گئی ہے جبکہ چیئرمین جوائنٹ چیفس آف اسٹاف کمیٹی سمیت تینوں سروسز چیفس کو بھی دعوت دی گئی ہے۔
وزیراعظم آزاد کشمیر، گورنر اور وزیراعلیٰ جی بی، چاروں صوبائی اسپیکرز، اسپیکر آزاد کشمیر اور اسپیکر گلگت بلتستان قانون ساز اسمبلی کو بھی اجلاس میں شرکت کے لئے مدعو کیا گیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News