وزیر اعلیٰ پنجاب کی ہدایت پر منشیات کے خاتمے اور ڈرگ فری پنجاب کیلئے پولیس ایکشن میں آگئی ہے۔
ترجمان پنجاب پولیس کے مطابق لاہور سمیت مختلف اضلاع میں خصوصی مہم کے دوران منشیات فروشوں کے ٹھکانوں پر 14 ہزار سے زائد چھاپے مارے گئے، 49 دنوں میں منشیات فروشوں کے خلاف 7047 مقدمات درج، 7500 ملزمان گرفتار ہوئے۔
، ترجمان پنجاب پولیس کے مطابق ملزمان کے قبضے سے 4897 کلو چرس، 26 کلو گرام سے زائد آئس ، 210 کلو افیون، 88 کلو ہیروئن ، 42132 لٹر شراب بھی ملزمان کے قبضہ سے برآمد کی گئی۔
گزشتہ 24 گھنٹوں میں لاہور سمیت صوبہ بھر میں منشیات فروشوں کے ٹھکانوں پر 321 ریڈز پڑی، منشیات کے کاروبار میں ملوث 141 ملزمان گرفتار، 138 مقدمات درج کیے گئے۔
، ترجمان پنجاب پولیس کے مطابق ملزمان کے قبضے سے 61 کلو چرس ، 2454 لٹر شراب و دیگر منشیات برامد کی گئی۔
آئی جی پنجاب ڈاکٹر عثمان انور نے منشیات فروشوں کے خلاف ٹارگٹڈ آپریشنز میں تیزی کی ہدایت کی ہے ۔
آئی جی پنجاب ڈاکٹر عثمان انور کا کہنا ہےکہ نوجوان نسل کا مستقبل تباہ کرنے والے ملزمان کو قانون کی گرفت میں لا کر قرار واقعی سزائیں دلوائی جائیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News