وزیراعظم اور امیر قطر شیخ تمیم کے درمیان ٹیلیفونک رابطہ؛ عید کی مبارکباد

فہد

09th Apr, 2024. 03:48 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعظم اور امیر قطر شیخ تمیم کے درمیان ٹیلیفونک رابطہ؛ عید کی مبارکباد

اسلام آباد: وزیرا عظم محمد شہباز شریف اور قطر کے امیر شیخ تمیم بن حمد الثانی کے درمیان ٹیلیفونک رابطہ ہوا۔

ٹیلیفونک رابطے دوران وزیر اعظم شہباز شریف نے قطر کے امیر شیخ تمیم بن حمد الثانی کو عید الفطر کے پرمسرت موقع پر عید کی مبارکباد دی۔

بات چیت میں وزیراعظم نے پاکستان اور قطر کے درمیان قریبی برادرانہ تعلقات کا اعادہ کیا اور پاکستان کی قطر کے ساتھ تمام شعبوں میں کام کرنے کی خواہش کا بھی اعادہ کیا گیا۔

اس کے علاوہ وزیر اعظم نے دونوں ممالک کے درمیان اقتصادی اور تجارتی تعلقات کو مزید گہرا کرنے کے عزم کا بھی اعادہ کیا۔

اس موقع پر امیر قطر نے بھی عید کی مبارکباد پیش کی اور پاکستانی عوام کے لیے نیک خواہشات کا اظہار کیا۔

وزیراعظم نے قطر کے امیر کو پاکستان کا سرکاری دورہ کرنے کی دعوت دی جبکہ امیر قطر نے جلد پاکستان کا دورہ کرنے کی خواہش کا اظہار کیا۔

گزشتہ سال دونوں ممالک کے درمیان سفارتی تعلقات کے قیام کی 50 ویں سالگرہ منائی گئی، دونوں رہنماؤں نے ایک دوسرے کے ساتھ مل کر کام کرنے اور تمام باہمی فائدہ مند شعبوں میں تعاون کو مزید وسیع کرنے کے عزم کی تجدید کی۔