قومی اسمبلی میں قائد حزب اختلاف عمر ایوب خان نے کہا ہے کہ بانی پی ٹی آئی آئیں گے اور ملک کو بھنور سے نکالیں گے۔
عمر ایوب نے میڈیا سے گفتگو کرتے ہوئے کہا کہ پارلیمنٹ ہاؤس میں مسائل کے حل کے لیے اپنا بھر پور کردار ادا کریں گے، قومی اسمبلی میں مضبوط اپوزیشن ہے۔
انہوں نے کہا کہ بانی پی ٹی آئی اور چوہدری پرویز الہیٰ کی بازیابی کے لیے بھرپور کردار ادا کریں گے، پی ٹی آئی کی خواتین اور مرد جو پابند سلاسل ہیں ان رہائی کے لیے کردار ادا کریں گے۔
قائد حزب اختلاف کا کہنا ہے کہ 1908 پی ٹی آئی کے ورکرز پابند سلاسل ہیں ان کی رہائی کے لیےانتھک محنت کرنی ہے، ہم نے قومی امنگوں پر پورا اترنا ہے مہنگائی پر بات کریں گے عوامی مسائل پر بات کریں گے۔
انہوں نے کہا کہ موجودہ حکومت کے پاس وہ مینڈیٹ نہیں جو عوام کے مسائل حل کر سکے، ملک میں جعلی حکومت ہے فارم 47 کی بیساکھیوں کھڑی ہے۔
عمر ایوب نے مزید کہا کہ ہم عوام کے سامنے نقلی حکومت کو بے نقاب کریں گے، وزیر اعظم بانی پی ٹی آئی آئیں گے ملک کو بھنور سے نکالیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News