حج فلائٹ آپریشن کب شروع ہوگا؟ تاریخ کا اعلان ہو گیا

ویب ڈیسک

18th Apr, 2024. 03:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حج فلائٹ آپریشن کب شروع ہوگا؟ تاریخ کا اعلان ہو گیا

حج فلائٹ آپریشن کی تاریخ کا اعلان ہو گیا ہے۔

رواں سال حج کے لیے پاکستان سے حجاز مقدس کے لیے فلائٹ آپریشن آئندہ ماہ 9 مئی سے شروع ہوگا جو بغیر کسی تعطل کے 9 جون تک جاری رہے گا۔

حج آپریشن ملک بھر کے 8 انٹرنیشنل ایئرپورٹس سے ہوگا جن میں اسلام آباد، لاہور، کراچی، ملتان، کوئٹہ، سکھر، سیالکوٹ، رحیم یار خان کے ایئرپورٹس شامل ہیں۔

پاکستان سے چار ایئر لائنز حج فلائیٹ آپریشن میں حصہ لیں گی جن میں پی آئی اے کے علاوہ سعودی ایئر لائن، سیرین اور ایئر بلیو شامل ہیں۔

پشاور کے عازمین حج اسلام آباد ائیرپورٹ سے جبکہ فیصل آباد کے عازمین لاہور ایئرپورٹ سے سعودی عرب جائیں گے۔

اسلام آباد اور کراچی ایئرپورٹ پر روڈ ٹو مکہ سروس شروع ہوگی اور روڈ ٹو مکہ پراجیکٹ کے تحت عازمین کی امیگریشن پاکستان میں ہوگی۔

اس سال سرکاری حج اسکیم کے تحت 69 ہزار 500 عازمین حج حجاز مقدس جائیں گے جب کہ عازمین حج کی ویکسینیشن 30 اپریل سے حاجی کیمپس میں ہوگی۔