کرپشن دیمک کی طرح ہماری معیشت کو چاٹ رہی ہے، خواجہ آصف

ویب ڈیسک

19th Dec, 2024. 02:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کرپشن دیمک کی طرح ہماری معیشت کو چاٹ رہی ہے، خواجہ آصف

سیالکوٹ: وزیر دفاع خواجہ آصف نے کہا ہے کہ کرپشن دیمک کی طرح ہماری معیشت کو چاٹ رہی ہے۔

وفاقی وزیر خواجہ آصف نے چیمبر آف کامرس میں گفتگو کرتے ہوئے کہا کہ وقت کے ساتھ سارے معاملات حل ہوتے جائیں گے، ہمیں ملک کے اندر امن کی ضرورت ہے۔

انہوں نے کہا کہ صنعتکاروں کے مسائل سے آگاہ ہوں، حکومتی سطح پر مسائل کو اٹھانا میرا کام ہے۔

خواجہ آصف نے کہا کہ کرپشن میں 50 فیصد کمی سے بھی ملک خودمختار ہوجائے گا، کرپشن ختم ہوجائے تو آئی ایم ایف فنڈ کی ضرورت نہ پڑے۔

وزیر دفاع نے مزید کہا کہ کلیکٹر کسٹمز پوسٹنگ کے لیے 40 سے 50 کروڑ روپے رشوت دیتا ہے، ایف بی آر ری ویمپنگ میں بہت سے اقدامات لیے جارہے ہیں، ایک بیوروکریٹ نے 2 بیٹیوں کی شادی میں 4 ارب روپے کمائے۔