سندھ زرعی یونیورسٹی ٹنڈو جام میں طلباء کے ٹک ٹاک ویڈیوز اور ریلز بنانے پر پابندی

ویب ڈیسک

20th Mar, 2025. 09:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سندھ زرعی یونیورسٹی ٹنڈو جام میں طلباء کے ٹک ٹاک ویڈیوز اور ریلز بنانے پر پابندی

سندھ زرعی یونیورسٹی ٹنڈو جام نے اپنے طلباء پر ٹک ٹاک ویڈیوز اور ریلز بنانے پر پابندی عائد کر دی ہے۔

ایڈیشنل رجسٹرار آفس کی جانب سے اس حوالے سے ایک اعلامیہ جاری کیا گیا ہے، جس میں کہا گیا کہ یونیورسٹی کی کلاس رومز، لیبارٹیرز، گارڈن ایریا اور دیگر مقامات پر غیراخلاقی ویڈیوز بنائی جا رہی ہیں۔

اعلامیہ میں مزید کہا گیا کہ یونیورسٹی میں ٹک ٹاک اور دیگر ویڈیوز بنانا تدریسی سرگرمیوں کے منافی ہے اور اس طرح کی سرگرمیاں یونیورسٹی کے اخلاقی ضوابط سے ہم آہنگ نہیں ہیں۔

جامعہ میں تدریسی اور اخلاقی ضوابط کی سختی سے پابندی کرنے کی ہدایت دی گئی ہے۔

یونیورسٹی انتظامیہ نے واضح کیا ہے کہ اگر کوئی طالب علم اس پابندی کی خلاف ورزی کرتا ہے تو اس کے خلاف سخت کارروائی کی جائے گی۔

اس ضمن میں شعبہ جات کے سربراہان، اساتذہ، ڈائریکٹر برائے طلباء امور اور سیکورٹی کو ہدایت کی گئی ہے کہ وہ یونیورسٹی کے قوائدو ضوابط پر عملدرآمد کو یقینی بنائیں۔