اسلام آؓباد: جوڈیشل کمیشن کا اجلاس طلب کرلیا گیا ہے جس میں اسلام آباد ہائی کورٹ سمیت چاروں ہائی کورٹس میں مستقل چیف جسٹس تعینات کرنے کا فیصلہ کیا جائے گا۔
چیف جسٹس نے 19 مئی کو جوڈیشل کمیشن کا اجلاس طلب کرلیا ہے جس میں اسلام آباد ہائی کورٹ، بلوچستان ہائی کورٹ، پشاور ہائی کورٹ اور سندھ ہائی کے مستقل چیف جسٹسز کی تعیناتی پر غور کیا جائے گا۔
ذرائع کے مطابق جوڈیشل کمیشن نے 2 مئی کو ہونے والا اجلاس ری شیڈول کیا ہے جب کہ چار مئی تک چاروں صوبائی ہائی کورٹس کے لئے نامزدگیاں طلب کی گئیں ہیں۔
ذرائع نے بتایا کہ ہائی کورٹس میں مستقل چیف جسٹس صاحبان کی تعیناتی کے لئے تین سینئر ججز کے ناموں پر غور ہوگا۔
واضح رہے کہ اسلام آباد ہائی کورٹ میں ججز سنیارٹی کا تنازعہ آئینی بینچ میں زیر سماعت ہے۔
