وزارتِ دفاع نے صدرِ مملکت کی منظوری کے بعد سربراہ پاک فضائیہ ایئر چیف مارشل ظہیر احمد بابر سدھو کی مدتِ ملازمت میں توسیع کا نوٹیفکیشن جاری کردیا ہے۔
نوٹیفیکیشن کے مطابق ایئر چیف مارشل ظہیر احمد بابر سدھو کی بطور سربراہ پاک فضائیہ مدتِ ملازمت میں 2 سال کی توسیع کی گئی ہے، جس کا اطلاق 19 مارچ 2026 سے ہوگا۔
یہ نوٹیفکیشن آئینِ پاکستان کی شق 243 اور ایئر فورس ایکٹ کی شق 10 بی کے کے تحت جاری کیا گیا ہے۔
اس سے قبل وزارتِ دفاع کی جانب سے صدرِ مملکت کی منظوری کے بعد فیلڈ مارشل سید عاصم منیر کی بطور چیف آف ڈیفنس فورسز تعیناتی کا باضابطہ نوٹیفکیشن جاری کیا گیا، جس کے مطابق انہیں یہ منصب 5 سال کے لیے سونپا گیا ہے۔
مزید پڑھیں: فیلڈ مارشل عاصم منیر کی بطور چیف آف ڈیفنس فورسز تعیناتی کا نوٹیفکیشن جاری
