پاکستان میں مہنگائی میں اضافہ ہوسکتا ہے، آئی ایم ایف کی بڑی پیشگوئی

اسلام آباد: عالمی مالیاتی فنڈ (آئی ایم ایف) کی جانب سے پیشگوئی کی گئی ہے کہ پاکستان میں مہنگائی میں اضافہ ہوسکتا ہے۔

آئی ایم ایف نے پیشگوئی کی ہے کہ پاکستان میں مہنگائی کے بڑھنے کی شرح 4.5 فیصد سے بڑھ کر 6.3 فیصد تک پہنچ سکتی ہے، جون 2026 میں مہنگائی کے بڑھنے کی شرح 8.9 فیصد تک پہنچ سکتی ہے جو جون 2025 میں 3.2 فیصد تھی۔

عالمی مالیاتی فنڈ نے گزشتہ 2 سال کی معاشی کارکردگی اور رواں مالی سال کی معاشی پروجیکشنز بھی جاری کردیں جس کے مطابق رواں مالی سال معاشی ترقی کی شرح 3.2 فیصد پہنچنے کا امکان ہے۔

آئی ایم ایف کی جانب سے کہا گیا کہ پاکستان میں بے روزگار کی شرح 8 فیصد سے کم ہوکر 7.5 فیصد تک پہنچ سکتی ہے۔ مالی سال 2026 میں معیشت میں ٹیکسوں کا حصہ 16.3 فیصد تک پہنچنے کی توقع ہے جبکہ سال 2025 میں معیشت میں ٹیکسوں کا حصہ 15.9 فیصد تھا۔

مزید پڑھیں: نومبر میں مہنگائی کی شرح کتنی رہنے کا امکان؟ اکنامک آؤٹ لک رپورٹ جاری

عالمی مالیاتی فنڈ نے بتایا کہ مالی سال 2026 میں مالیاتی خسارہ 4 فیصد تک پہنچنے کا امکان ہے جبکہ 2025 میں مالیاتی خسارہ 5.4 فیصد تھا۔

اس کے علاوہ مالی سال 2026 میں معیشت میں قرضوں کا بوجھ 69.6 فیصد تک ہوسکتا ہے جو سال 2025 میں 70.6 فیصد تھا۔

آئی ایم ایف کے مطابق مالی سال 2026 میں غیر ملکی قرضے 22.5 فیصد ہوسکتے ہیں، جو 2025 میں غیر ملکی قرضے معیشت کا 22.5 فیصد تھے۔

عالمی مالیاتی فنڈ کی جانب سے مزید کہا گیا کہ مالی سال 2026 میں سرمایہ کاری معیشت 0.5 فیصد ہوسکتی ہے جو 2025 میں معیشت 0.6 فیصد تھی جبکہ مالی سال 2026 میں زرمبادلہ کے ذخائر 17.8 ارب ڈالر ہوں سکتے ہیں جو 2025 میں 14.5 ارب ڈالر تھے۔