وفاقی وزیر داخلہ محسن نقوی نے کہا کہ لانس نائیک محمد محفوظ شہید کا نام تاریخ میں ہمیشہ زندہ رہے گا۔
وفاقی وزیر داخلہ محسن نقوی نے عظیم سپاہی لانس نائیک محمد محفوظ شہید کی بے مثال جرات کو سلام پیش کرتے ہوئے کہا کہ انہوں نے 1971 کی جنگ میں شجاعت اور بہادری کی روشن مثال قائم کی۔
انہوں نے کہا کہ لانس نائیک محمد محفوظ نے غیر معمولی حوصلے کے ساتھ خطرناک مشن مکمل کیا اور شہادت کے بلند رتبے پر فائز ہوئے۔
محسن نقوی کا کہنا تھا کہ لانس نائیک محمد محفوظ شہید کی عظیم قربانی سے محاذ کا نقشہ بدل گیا، ناقابل فراموش بہادری سے انہوں نے دشمن کی سب سے مؤثر دفاعی پوزیشن کو خاموش کیا۔
وفاقی وزیر داخلہ نے مزید کہا کہ لانس نائیک محمد محفوظ شہید قوم کے لیے حوصلے اور عزم کی مثال ہیں، انہوں نے ثابت کیا کہ فرض کی ادائیگی میں شہادت کا عظیم رتبہ پانا ہی پاکستانی سپاہی کے لیے سب سے بڑا اعزاز ہے۔
