عالمی بینک نے پاکستان کیلئے 700 ملین ڈالر فنانسنگ کی منظوری دے دی ہے، یہ منظوری پاکستان پبلک ریسورسز فار انکلوژو ڈیولپمنٹ پروگرام کے تحت دی گئی۔
عالمی بینک کے مطابق منصوبہ میکرو اکنامک استحکام اور عوامی خدمات کی بہتری کیلئے ہے، جبکہ پروگرام کے تحت مجموعی طور پر 1.35 ارب ڈالر تک فنانسنگ فراہم کی جائے گی۔
عالمی بینک نے 600 ملین ڈالر وفاق اور 100 ملین ڈالر سندھ کیلئے منظور کئے ہیں، تاہم فنڈز کی فراہمی اصلاحاتی اہداف کے حصول سے مشروط ہوگی۔
یہ بھی پڑھیں: عالمی بینک نے 40 کروڑ ڈالر کا نیا منصوبہ منظور کرلیا
عالمی بینک کا کہنا ہے کہ منصوبہ ٹیکس نظام میں بہتری اور شفاف مالی نظم و نسق پر مرکوز ہے، ڈیجیٹل ڈیٹا اور مالیاتی نظام کو بہتر بنا کر سروس ڈیلیوری میں بہتری کا ہدف ہے، جبکہ پروگرام آئی ایم ایف ایکسٹینڈڈ فنڈ فیسلٹی سے ہم آہنگ ہے۔
عالمی بینک کے مطابق سندھ میں صحت اور تعلیم کیلئے وسائل میں اضافہ متوقع ہےاصلاحات سے شفافیت اور عوامی اعتماد میں اضافہ ہوگا۔
