کربلا: صدرِ پاکستان آصف علی زرداری نے کربلا میں روضۂ حضرت امام حسینؓ اور حضرت عباس بن علیؑ پر حاضری دی۔
اس موقع پر گورنر کربلا ڈاکٹر نصیف جاسم الخطابی بھی صدر آصف علی زرداری کے ہمراہ تھے۔
صدر مملکت نے دونوں مزارات پر فاتحہ خوانی کی اور نوافل ادا کیے اور حضرت امام حسینؓ کی قربانی کو حق، عدل اور استقامت کی ابدی علامت قرار دیتے ہوئے امتِ مسلمہ کے امن، اتحاد اور سلامتی کے لیے دعا بھی کی۔
صدر آصف زرداری نے روضۂ حضرت امام حسینؓ پر گفتگو کرتے ہوئے کہا کہ ان کی تعلیمات حق، عدل اور انسانیت کے لیے رہنما ہیں۔
اس کے علاوہ صدر مملکت آصف علی زرداری نے دونوں مزارات کے منتظمین اور مبلغین سے بھی ملاقات کی۔
