کراچی: بانی پاکستان قائد اعظم محمد علی جناح کا آج 149واں یوم پیدائش ملکی یکجہتی اور جوش و جذبے سے منایا جا رہا ہے۔
کراچی میں مزارِ قائد پر گارڈز کی تبدیلی کی پُروقار تقریب منعقد کی گئی جس میں پاک فوج کے چاق و چوبند دستے نے مزارِ قائد پر سلامی دی۔
پاکستان ملٹری اکیڈمی کاکول کے چاق و چوبند دستے نے گارڈز کے فرائض سنبھال لیے۔ پی ایم اے کیڈٹس کی جانب سے قائد اعظم محمد علی جناح کو خصوصی سلام پیش کیا گیا۔
میجر جنرل افتخار حسن چوہدری ہلال امتیاز ملٹری تقریب کے مہمان خصوصی تھے، تاہم انہوں نے گارڈز کا معائنہ کیا اور مزار قائد پر پھول چڑھانے کے بعد فاتحہ خوانی کی، اس دوران انہوں نے مہمانوں کی کتاب میں اپنے تاثرات بھی درج کیے۔
تاہم، بابائے قوم کے یومِ ولادت پر آج ملک بھر میں عام تعطیل ہے، سرکاری اور غیر سرکاری اداروں میں خصوصی تقریبات کا انعقاد کیا جارہا ہے۔
