بھارتی شہری کے گردوں سے 100 سے زائد پتھریاں نکال لی گئیں

ویب ڈیسک

17th Dec, 2021. 10:59 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارتی شہری کے گردوں سے 100 سے زائد پتھریاں نکال لی گئیں

ماہرین کی انتھک محنت اور ٹیکنالوجی کے استعمال سے 50 سالہ شہری کے گردوں سے 100 سے زائد پتھریاں نکالی گئی ہیں۔

اس حوالے سے جاری رپورٹس میں بتایا گیا ہے کہ بھارت کے شہر حیدرآباد سے تعلق رکھنے والے ایک اسکول ٹیچر کے گردوں سے 156 پتھریاں نکالی گئیں ہیں جس کے لئے اینڈوسکوپی اور لیپرواسکوپی کا استعمال کیا گیا ہے۔

رپورٹس کے مطابق 50 سالہ مریض نے ڈاکٹروں سے اچانک پیٹ کے شدید درد کی شکایت کی تھی جس کے بعد کچھ ٹیسٹ کیے گئے جن میں انکشاف ہوا کہ ان کے پیٹ پتھریوں کا ایک بڑا جھنڈ ہے جو کہ درد کا باعث بنا تھا۔

ماہرین کے مطابق گردوں سے پتھریوں کو نکالنے کے عمل میں 3 گھنٹے کا وقت لگا تھا جس کے لئے کوئی بڑا آپریشن کرنے کی ضرورت پیش نہیں آئی تھی۔

ماہرین کے مطابق 50 سالہ مریض پیٹ کے اس درد میں گزشتہ 2 سال سے مبتلا تھے لیکن کبھی پتھری ہونے کا احساس نہیں ہوا تھا لیکن جب درد حد سے بڑھ گیا تو بروقت کیے جانے والے اقدامات نے ان کی جان بچالی۔

ماہرین کا کہنا ہے کہ گردوں میں پتھری کی موجودگی کا احساس صرف اس وقت ہوتا ہے جب درد حد سے زیادہ بڑھ جاتا تاہم اس قسم کےہونے والے درد کو لوگ عام سا درد سمجھ کر چھوڑ دیتے ہیں جو کہ بعد میں جاکر پریشانی پیدا کرتا ہے۔