بہت عرصے سے گاڑی چلانے والے افراد بھی اس بات سے انجان ہوں گے کہ گاڑی میں موجود اس کھڑکی کا اصل مقصد کیا ہے۔

بظاہر اس کھڑکی کا کوئی فائدہ نظر نہیں آتا کیونکہ یہ اپنی جگہ فکس ہوتی ہے جسے ہلانا ممکن نہیں۔

گاڑیوں کا ایک ایسا ہی فیچر کوارٹر ونڈوز یا وینٹ گلاس ہے۔

کوارٹر گلاس کیا ہے؟

یہ عام پسنجر ونڈو سے کافی چھوٹا ہوتا ہے اور عموماً سائیڈ ویو مرر کے برابر میں یا بیک وہیل کے اوپر ہوتا ہے۔

یہ چھوٹی کھڑکی 1950 کی دہائی میں مقبول ہوئی تھی جب یہ اپنی جگہ فکس نہیں ہوتی تھی بلکہ اسے حرکت دی جاسکتی تھی، کیونکہ اس وقت اے سی سسٹم موجود نہیں تھا تو کوارٹر گلاس کا بنیادی مقصد گاڑی میں ہوا کی نکاسی کو بہتر بنانا تھا۔

بعدازاں اے سی لگنے کی وجہ سے ان کھڑکیوں کا ایسا ڈیزائن استعمال ہونے لگا جس کو اپنی جگہ سے ہلانا ممکن نہیں تھا۔

تو پھر اب بھی گاڑیوں میں اسے کیوں لگایا جارہا ہے؟

اب اس کا مقصد گاڑی کے پچھلے حصے میں کوارٹر گلاس سے ڈرائیور کو وہ حصہ دیکھنے میں مدد ملتی ہے جو ایک بلائنڈ اسپاٹ ہوتا ہے۔

اسی طرح گاڑی کے اگلے حصے میں اس کی موجودگی سے ڈرائیور کو سائیڈ ویو مرر کو زیادہ بہتر طریقے سے دیکھنے کا موقع ملتا ہے۔