اسکاٹ لینڈ میں وہیل مچھلیوں کی بڑی تعداد پانی سے باہر آکر مرگئی۔

بین الاقوامی خبر رساں ادارے کے مطابق اسکاٹ لینڈ میں لیوس کے جزیرے کے ساحل پر 55 پائلٹ وہیل مچھلیاں ساحل پر پائی گئیں۔

متعلقہ حکام نے   15 زندہ مچھلیوں کو ابتدائی طبی امداد دینے اور دوبارہ سمندر میں بھیجنے کی کوشش کی ، لیکن خراب موسم اور کھردرے ساحل کی وجہ سے ناکامی ہوئی، چنانچہ یہ فیصلہ کیا گیا کہ ان کو تکلیف سےبچانے کے  لیے فلاحی بنیادوں پر موت کے گھاٹ اتار دیا جائے۔

گزشتہ سو سال کے دوران یہ پہلا واقعہ ہے کہ وہیل مچھلیوں کی اتنی بڑی تعداد پانی سے باہر آکر موت کے منہ میں چلی گئی۔

پائلٹ وہیل اپنے مضبوط سماجی رشتوں اور بندھن میں خاصی مشہور ہیں ، اگر کوئی ایک مچھلی کسی مشکل کا شکار ہوتی ہے تو باقی تمام بھی اس کے پیچھے آتی ہیں۔

خیال کیا  جارہا ہے کہ کوئی ایک مادہ وہیل بچے کو جنم دینے کے باعث بیمار ہو کر ساحل پر آگئی جبکہ باقی تمام نے بھی اس کی پیروی کی۔

اس سے قبل برطانیہ میں سب سے زیادہ تعداد میں 126 وہیل مچھلیوں کے مرنے کا واقعہ 1927 میں پیش آیا تھا۔

 سائنسدانوں کی ایک ٹیم اب مچھلیوں کا پوسٹ مارٹم کرکے ان کی موت کی وجوہات جاننے کی کوشش کرے گی۔

پوسٹ مارٹم کرنے والی ٹیم کے سربراہ ڈاکٹر اینڈریو نے کہا کہ مچھلیوں کی موت کی وجہ جاننے کے  لیے کیا جانے والا یہ پوسٹ مارٹم ایک یادگار کام ہوگا۔

انہوں نے کہا کہ یہ ضروری نہیں کہ ان مچھلیوں کی اموات میں انسانی محرکات جس سے سمندری مخلوق پر اثرات مرتب ہو سکتے ہیں شامل ہوں۔ ان مچھلیوں کو اب ایک لینڈ فل میں منتقل کیا جا رہا ہے جہاں تحقیقات کے بعد ان کو واپس پانی میں چھوڑ دیاجائے گا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں