آج کے جدید دور میں جہاں جدید ٹیکنالوجی کی طرف لوگوں کا رجحان ہے وہیں کچھ لوگوں کو نئے نئے ریکارڈز بنانے کا بھی جنون ہوتا ہے۔

ایسا ہی کچھ افریقہ کے سب سے زیادہ آبادی والے ملک نائجیریا میں  بھی ہے جہاں آج کل ہر کوئی عجیب و غریب ورلڈ ریکارڈ بنانے کی کوشش میں لگا ہوا ہے۔

یہ بھی ممکن ہے کہ جب تک اس خبر کو پڑھیں تو اتنی دیر میں وہاں عجیب و غریب ورلڈ ریکارڈ بن چکا ہو یا اس کی کوشش کی گئی ہو۔

نائجیرین عوام پر یہ ورلڈ ریکارڈز بنانے کا بھوت اس وقت سوار ہوا  جب رواں برس مئی میں ایک ہجوم نے لاؤس کے ایک دلکش مقام پر شیف ہلڈا باکی کو سب سے زیادہ دیر کے لیے مسلسل کھانا پکانے یعنی سب سے زیادہ گھونگھے فرائی کرتا دیکھنے کے لیے چار دن تک بارش اور اندھیرے کو برداشت کیا۔

اس کے بعد سے  نائجیریا میں عوام پر نت نئے اور انوکھے گنیز ورلڈ ریکارڈ بنانے کا جنون سوار ہے اور وہاں اتنے جلدی اور تیزی سے نت نئے اور انوکھے ورلڈ ریکارڈز بنانے کی کوششیں کی جا رہی ہیں کہ ان کا حساب رکھنا بھی مشکل ہو گیا ہے۔

اب نائجیریا میں کوئی ایسا دن نہیں گزرتا جب کوئی شخص یا جوڑا نیا ورلڈ ریکارڈ بنانے کی کوشش نہ کرتا ہو  اور  اسی وجہ سے گنیز ورلڈ ریکارڈ کے ادارے کو بھی  مشکل کا سامنا ہے۔

یہاں تک کہ گنیز ورلڈ ریکارڈ تنظیم نے ایک مزاحیہ ٹوئیٹ کرتے ہوئے لکھا کہ  ریکارڈ اے تھون (ریکارڈ بنانے کی مہم) کافی ہوئی۔