بھارتی  کرکٹ ٹیم کے سابق کپتان اور وکٹ کیپر بلے باز مہندرا سنگھ دھونی بھی پاکستانی کھانوں کے دلدادہ نکلے۔

مہندرا سنگھ دھونی کو نہ صرف ان کی قائدانہ صلاحیتوں بلکہ ان کے ساتھی کھلاڑیوں سمیت دیگر ٹیم کے کھلاڑیوں سے میل جول اور بہترین رویے کی بناء پر  بھی کافی پسند کیا جاتا ہے۔

پاکستان اور بھارت کے درمیان دو طرفہ سیریز ہوئے 11 سال گزر گئے اور مستقبل قریب میں بھی اس کے کوئی آثار دکھائی نہیں دیتے تاہم دونوں ممالک کے کھلاڑیوں کا رویہ بہت دوستانہ ہے۔

دو طرفہ سیریز کھیلنے والے دونوں ممالک کے سابق کرکٹرز بھی  مداحوں اور کھانوں کی خوب تعریف کرتے ہیں۔

ایسا ہی کچھ سوشل میڈیا پر وائرل  ہونے والی ایک ویڈیو میں ایم ایس دھونی کو بھی کہتے ہوئے دیکھا اور سنا جاسکتا ہے۔

دھونی اپنے ایک مداح کی کسی بات پر انہیں مشورہ دیتے ہیں کہ آپ کو لذیذ کھانوں سے لطف اندوز ہونے کے لیے ایک بار پاکستان ضرور جانا چاہیے۔

https://twitter.com/taimoorze/status/1740665504610812382

اس ویڈیو کے سوشل میڈیا پر وائرل ہوتے ہی پاکستان شوبز انڈسٹری کے نامور میزبان، گلوکار اور مہم جو فخرِ عالم نے مہندرا سنگھ دھونی کو پاکستانی کھانوں کو پسند کرنے کی وجہ سے ایک  پیشکش کی ہے۔

انہوں نے ایکس پر جاری اپنے پیغام میں  لکھا کہ دھونی بھائی آپ نے دل جیت لیا، آپ ہمارے ساتھ پویلین میں بیٹھ کر میچ دیکھیں اور یہ بات میں صرف اس لیے نہیں کہہ رہا کہ ہم مل کر میچ دیکھیں گے بلکہ ہم ساتھ میں لذیذ پاکستانی کھانوں سے بھی محظوظ ہوں گے۔

Bhai @msdhoni dil jeet liya aap nay….…..I think you should be in The Pavilion with us not just for the cricket but for the FOOD. ❤️ https://t.co/oTmsXdoTzx

Advertisement

— Fakhr-e-Alam S.I & S.E (@falamb3) December 29, 2023

 واضح رہے کہ ایم ایس دھونی آج سے تقریباً 16 سال قبل 2007 میں پاکستان کے دورے پر آنے والی بھارتی ٹیم میں شامل تھے۔