پاکستان کی ثقافت اور مہمان نوازی دنیا کے دیگر دوسرے ممالک سے مختلف ہے، پاکستانی مہمان نواز قوم کی حیثیت سے مقبول ہیں۔

حال ہی میں نامور سابق بھارتی کرکٹر دھونی نے پاکستانی کھانوں کی خوب تعریف کی جس کی ویڈیو نے کافی دھوم مچائی۔

‘You should go to Pakistan once for the food.’ MS Dhoni pic.twitter.com/2SLZIxKASl

— Taimoor Zaman (@taimoorze) December 29, 2023

اب سوشل میڈیا پر ایک نامور بھارتی اور آسٹریلوی صحافی کے بھی کافی چرچے ہو رہے ہیں جنھوں نے دل کھول کر پاکستان کی تعریف کی ہے۔

پاکستان اور آسٹریلیا کے درمیان دوسرے ٹیسٹ کے دوران تجریہ دیتے ہوئے آسٹریلیا کے صحافی اور مصنف پیٹر لیلور نے کہا کہ اگر آپ نے ثقافت دیکھنی  ہے تو پاکستان جائیں، پاکستان ایک بہت محفوظ اور بہت مہمان نواز ملک ہے ۔

انہوں نے کہا کہ ہم نے ہمیشہ پاکستان کے بارے میں منفی باتیں سنی تھی لیکن جب ہم وہاں گئے تو ایسا کچھ بھی نہیں تھا،ہمارا پاکستان جا کر مؤقف مکمل طور پر تبدیل ہو گیا۔

Don’t think @plalor and I will ever tire of speaking about our incredible Pakistan tour @7Cricket #AusvPak https://t.co/J20XcbDKYx

Advertisement

— Bharat Sundaresan (@beastieboy07) December 30, 2023

ان کے ساتھ بیٹھے بھارتی صحافی بھارت سندرسن نے بھی اس موقع کا فائدہ اٹھاتے ہوئے کہاکہ پاکستان جاکر کراچی کی گلیوں میں گھوما، ہر بندہ ہمیں خوش آمدید کہہ رہا تھا، ہم سے کسی نے کھانے کے پیسے نہیں لیے جب کہ ہر کوئی مہمان نوازی کے لیے اپنے گھر بلا رہا تھا، پاکستان میں مجھے ایسا لگا جیسے میں بھارت میں ہوں۔

یہ بھی پڑھیں: پاکستانی کھانوں کے دلدادہ دھونی کو فخر عالم کی بڑی پیشکش

آسٹریلوی صحافی نے مزید کہاکہ 24 سال بعد جب آسٹریلوی ٹیم نے پاکستان کا دورہ کیا تو وہاں کے لوگ ٹیسٹ کرکٹ دیکھنے کم جب کہ آسٹریلوی کھلاڑیوں کو خوش آمدید کہنے زیادہ آئے تھے، پاکستانی مداحوں نے اتنا پیار دیا کہ باؤنڈری پر کھڑے ڈیوڈ وارنر ان کے ساتھ ناچنے لگے۔