دنیا کے تمام ہی ممالک کی سرحدیں کسی نہ کسی ملک سے ضرور ملتی ہے اور یہ سرحدیں کبھی بہت زیادہ طویل اور کبھی مختصر ہوتی ہے ایسی ہی ایک سرحد مراکش اور اسپین کے درمیان موجود ہے جسے دنیا کی مختصر ترین سرحد ہونے کا اعزاز حاصل ہے جس کی لمبائی صرف 85 میٹر ہے۔

پینون دے ویلیز دے لاگومیرا شمالی افریقہ کی ایک چھوٹی سی چٹان ہے جسے اسپین نے 1564 میں فتح کیا تھا، یہی وجہ ہے کہ یہ علاقہ دنیا کی سب سے چھوٹی قومی سرحد کا اعزاز رکھتا ہے۔

واضح رہے کہ اسپین کی پرتگال اور فرانس کے ساتھ تقریباً 2000 کلومیٹر طویل زمینی سرحدیں ہیں، تاہم اس کے ساتھ ساتھ اس کی سرحدیں انڈورا، برطانیہ اور مراکش جیسے ممالک کے ساتھ بھی ملتی ہیں لیکن یہ بہت چھوٹی سرحدیں ہیں۔ تاہم ان ہی میں ایک طرف سے اس کی سب سے مختصر سرحد افریقی ملک مراکش کے ساتھ ملتی ہے۔

یہ 85 میٹر لمبا زمینی حصہ جسے مختصر ترین سرحد ہونے کا اعزاز حاصل ہے 19,000 مربع میٹر کی چٹان کو مراکش کے ساحل سے جوڑتا ہے۔

واضح رہے کہ 1564 سے ینون دے ویلیز دے لاگومیرا ہسپانوی علاقہ رہا ہے جب اسے ایڈمرل پیڈرو ڈی ایسٹوپینان نے فتح کیا تھا،  اگرچہ مراکش نے بارہا اس پر دعویٰ کیا ہے یہ اس کا علاقہ ہے، لیکن اسپین نے کبھی بھی اس سرزمین کو واپس کرنے پر اتفاق نہیں کیا اور اسپین نے اسے اپنا علاقہ قرار دیتے ہوئے وہاں اپنی فوجیں بھی تعینات کی ہوئی ہیں جنہیں ہر ماہ تبدیل کیا جاتا ہے۔