پاکستان کرکٹ ٹیم کے سابق کپتان، کوچ اور لیجنڈز فاسٹ باؤلر وقار یونس نے ایک مرتبہ پھر قومی ٹیم کی کوچنگ کی دوڑ میں شامل ہو گئے۔

ذرائع کے مطابق سابق کپتان وقار یونس نے اس بار ہیڈ کوچ کے لیے نہیں بلکہ بولنگ کوچ کے لیے درخواست دی ہے۔

سابق فاسٹ بولردومرتبہ پاکستان ٹیم کے ہیڈ کوچ اور دو مرتبہ بولنگ کوچ  رہ چکے ہیں،وقار یونس آخری مرتبہ دوہزار چودہ  سے دوہزار سولہ  تک قومی ٹیم کے ہیڈ کوچ رہے ۔

ذرائع کے مطابق قومی ٹیم کے بولنگ کوچ کے لئے اب تک ملنے والی درخواستوں میں وقار یونس اب تک کے ہائی پروفائل امیدوار ہیں۔

ورلڈکپ میں ناکامی کے بعد پی سی بی نے پورے کوچنگ اسٹاف اور سلیکشن کمیٹی کو فارغ کردیا  تھا۔

یاد رہے کہ پاکستان کرکٹ بورڈ نے کوچنگ سٹاف کے لئے درخواستیں طلب کی ہوئی ہیں۔

درخواستیں جمع کرانے کی آخری تاریخ 26 اگست ہے، ورلڈکپ 2019 میں پاکستان کرکٹ بورڈ نے پورے کوچنگ اسٹاف اور سلیکشن کمیٹی کو فارغ کردیا ہے۔

واضح رہے کہ لاہورمیں پاکستان کرکٹ ٹیم کے سابق کپتان مصباح الحق نے میڈیا سے گفتگوکرتے ہوئے کہا تھا کہ کوچنگ کے لیے کوئی درخواست نہیں دی، تمام تر توجہ کیمپ پر ہے۔

پاکستان کرکٹ ٹیم کے سابق کپتان کا کہنا تھا کہ صوبائی ایسوسی ایشنز میں تمام لڑکے اپنی ماضی کی پرفامنس پر سلیکٹ ہوں گے۔ میرٹ پر کھلاڑیوں کا انتخاب کرنا اولین مقصد ہے،قومی کپتان کیلئے تینوں فارمیٹ پر ایک بھی ہوسکتا ہے،الگ الگ کپتان بھی ہوسکتے ہیں۔

مصباح الحق کپتان کا مزید کہنا تھا کہ میرے اکیلے کی رائے اہمیت نہیں رکھتی فیصلہ بورڈ نے کرنا ہے جو بھی کھلاڑی کپتانی کا اہل ہوا اس کو کپتان بنایا جائے گا۔