قومی کرکٹ ٹیم کے کپتان اور نائب کپتان کا اعلان

عروبہ خان

13th Sep, 2019. 01:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

قومی کرکٹ ٹیم کے کپتان اور نائب کپتان کا اعلان

پاکستان کرکٹ بورڈ نے سری لنکا سریز کے لئے کپتان اور نائب کپتان کا اعلان کردیا ہے۔

تفصیلات کے مطابق سری لنکا سریز کے لئے پی سی بی کی جانب سے سرفراز احمد کو قومی کرکٹ ٹیم کا کپتان برقرار رکھنے کا اعلان جبکہ بابر اعظم کو قومی کرکٹ ٹیم کا نائب کپتان مقرر کردیا گیا ہے۔

کرکٹر سرفراز احمد کو کپتان مقرر کرنے کی بنیادی وجہ یہ بھی ہے کہ یہ 2017 سے قومی کرکٹ ٹیم کی قیادت کررہے ہیں جبکہ سرفراز احمد کی قیادت میں قومی ٹیم 4 ٹیسٹ، 26 ایک روزہ اور 29 ٹی ٹونٹی میچز میں کامیابی حاصل کرچکی ہے۔

کرکٹر بابر اعظم کی کارکردگی کے مطابق بابر اعظم آئی سی سی ٹی ٹونٹی رینکنگ میں پہلے، ایک روزہ کرکٹ میں تیسرے اور ٹیسٹ میں 13ویں بہترین بیٹسمین ہیں۔

پاکستان اور سری لنکا کے درمیان ایک روزہ اور ٹی ٹونٹی سیریز 27 ستمبر سے 9 اکتوبر تک جاری رہے گی۔

یاد رہے کہ قومی کرکٹ ٹیم کے کپتان اور نائب کپتان کی تقرری چیئرمین پی سی بی نے کی ہے جبکہ چیف سلیکٹر اور ہیڈ کوچ قومی کرکٹ ٹیم مصباح الحق اور پی سی بی کرکٹ کمیٹی نے دونوں ناموں کی سفارش کی تھی۔