ایچ بی ایل پاکستان سپر لیگ (پی ایس ایل2020 )میں پہلی بار کمنٹری پاکستان کی قومی زبان ’اردو‘میں نشر  کی جائے گی ۔

تفصیلات  کے مطابق پاکستان کرکٹ بورڈ نے کرکٹ کے مداحوں کو کھیل سے جوڑے رکھنے کے لیے ٹیلی ویژن میچ کی براہِ راست نشریات کے دوران انگریزی کے ساتھ ساتھ اردو میں  بھی کمنٹری کا اہتمام کیا ہے۔

پی سی بھی کے اعلان کردہ 16 رکنی کمنٹری پینل میں سے رمیز راجہ، بازید خان، وقار یونس اور عروج ممتاز اردو میں کمنٹری کریں گے۔

سابق کھلاڑیوں پر مشتمل یہ کمنٹری پینل ناظرین کو میچ کے دوران ہر اننگز میں 5 اوورز تک اردو میں کمنٹری فراہم کریں گے، جو مقامی چینلز پر نشر ہوگی۔

پی سی بی نےایچ بی ایل پی ایس ایل کے لیے 16 رکنی کمنٹری پینل کا اعلان بھی  کردیا ہے۔

For the first time in the history of the #HBLPSL the fans and followers of the league will enjoy cricketing-action in Urdu. More: https://t.co/RkepAIRcT1#HBLPSLV #TayyarHain https://t.co/wYijUh60HX

— PakistanSuperLeague (@thePSLt20) February 15, 2020

 پینل میں آسٹریلیا اور نیدرلینڈ کے سابق کرکٹر ڈرک نینس ،جنوبی افریقہ کے سابق کرکٹر ایچ ڈی ایکرمن، انگلینڈ کے سابق کرکٹر مارک بُچر، ڈومِنک کورک اور جنوبی افریقہ کی خاتون کمنٹیٹر کاس نائیڈو پہلی بار ایچ بی ایل پی ایس ایل میں کمنٹری کریں گے۔

دوسری جانب ڈینی موریسن، مائیکل سلیٹر، ایلن ولکنز اورجونٹی رہوڈز کو کمنٹری پینل میں برقرار رکھا گیا ہے۔

علاوہ ازیں، پہلی مرتبہ ایچ بی ایل پی ایس ایل 2020 کےآخری تین میچوں کے دوران اسپائیڈر کیم کے ذریعے کھلاڑیوں اور کمنٹیٹرز کے درمیان رابطہ بھی آن فیلڈ ایکشن کے ذریعے شائقین کرکٹ کو ٹی وی اسکرینز سےجڑے رہنے پر مجبور کرے گا۔

اس دوران گراؤنڈ میں موجود کھلاڑی، کمنٹری باکس میں موجود کمنٹیٹر سے محو گفتگو ہوگا۔

پی ایس ایل 2020 : راحت فتح علی خان افتتاحی تقریب میں آواز کا جادو جگائیں گے

 ایچ بی ایل پاکستان سپر لیگ 2020 کی براڈ کاسٹ کوریج کے  دوران کُل 28 کیمر وں  کا استعمال کیا جائے گا  جس میں سپر سلو اور الٹرا موشن کیمرے  بھی شامل ہیں۔

لیگ کے دوران اسپائیڈر کیم اور ہاک آئی بال ٹریکنگ کا نظام چاروں شہروں، کراچی، لاہور، ملتان اور راولپنڈی  میں کھیلے جانے والے میچوں کے دوران دستیاب ہوگا۔

واضح رہے کہ ایچ بی ایل پی ایس ایل 2020  کا ایونٹ بیس فروری سے بائیس مارچ تک کراچی، لاہور، راولپنڈی اور ملتان میں ہوگا۔

 ایونٹ کا پہلا میچ دفاعی چیمپئن کوئٹہ گلیڈی ایٹرز اور اسلام آباد یونائیٹڈ کے درمیان کراچی میں جبکہ فائنل لاہور میں کھیلا جائے گا۔