پی سی بی  نے کرپشن کی دو بار پیشکش ہونے کے باوجود مطلع نہ کرنے پر بلے باز عمراکمل کو چارج کردیا، عمر اکمل کو 31 مارچ تک جواب جمع کرانا ہوگا۔

عمراکمل اِن ٹربل، پی سی بی نےچارج کردیا۔ انہوں نے دو مرتبہ کرپشن کی پیشکش پر پی سی بی کو آگاہ نہیں کیا۔ پی سی بی نےعمراکمل کو 20 فروری کو معطل کیا تھا۔

عمر اکمل کو 17 مارچ کو اینٹی کرپشن کوڈ کے آرٹیکل 2 اعشاریہ 4 اعشاریہ 4 کی 2 مرتبہ خلاف ورزی پر نوٹس آف چارج جاری کردیا گیا ہے، 14 روز کے اندر 31 مارچ تک تحریری جواب جمع کرانا ہوگا۔

پی سی بی اینٹی کرپشن کوڈ کا آرٹیکل 2 اعشاریہ 4 اعشاریہ 4 کسی بھی فرد کی جانب سے کرپشن کی پیشکش کے بارے میں پی سی بی ویجنلس اینڈ سکیورٹی ڈیپارٹمنٹ کو آگاہ نہ کرنے سے متعلق ہے۔

جرم ثابت ہونے پر 6 ماہ سے لے کر تاحیات پابندی لگ سکتی ہے۔

پی سی بی انٹی کرپشن کوڈ کا آرٹیکل 2.4.4 :

کسی بھی فرد کی جانب سے کرپشن کی پیشکش کے بارے میں پی سی بی ویجلنس اینڈ سیکورٹی ڈیپارٹمنٹ کو (بغیر کسی غیر ضروری تاخیر سے) آگاہ نہ کرنا ہے۔

عمر اکمل کو نوٹس آف چارج 17 مارچ بروز منگل کو جاری کیا گیا۔ 14 روز تک نوٹس کا تحریری جواب جمع کرانے کے لیے عمر اکمل کے پاس 31 مارچ 2020 تک کا وقت ہے۔

آرٹیکل 6.2 کے تحت آرٹیکل 2.4.4 کی خلاف ورزی کا جرم ثابت ہونے پر سزا 6 ماہ سے تاحیات پابندی مقرر ہے۔

عمر اکمل کو 20 فروری 2020 کو عبوری طور پر معطل کیا گیا تھا۔ اس حوالے سے پریس ریلیز جاری کی جاچکی ہے۔

پی سی بی اس حوالے سے مزید کوئی بیان جاری نہیں کرے گا۔