پرتگال کے عالمی شہرت یافتہ  فٹبالر کرسٹیانو رونالڈو بھی کورونا وائرس کا شکار ہوگئے۔

بین الاقوامی میڈیا  کے مطابق پرتگالی فٹ بال فیڈریشن نے اعلان کیا ہے کہ فٹبالر کرسٹیانو رونالڈو کا کورونا وائرس ٹیسٹ مثبت  آگیا ہے۔

کورونا ٹیسٹ مثبت آنے کے بعد 35  سالہ کھلاڑی نے پرتگال کا تربیتی گروپ چھوڑ دیا ہے ،جہاں وہ سویڈن کے ساتھ نیشنس لیگ کے میچ کی تیاری کر رہے تھے۔

پرتگالی فٹ بال فیڈریشن کا مزید کہنا ہے کہ رونالڈو نے خود کو گھر میں قرنطینہ کرلیا ہے۔

Advertisement

Unidos dentro e fora do campo! 🇵🇹👏🏽👊🏽 #todosportugal pic.twitter.com/4bQSUIPm2m

— Cristiano Ronaldo (@Cristiano) October 12, 2020

رونالڈو کو کورونا وائرس کی کسی علامت کا سامنا نہیں کرنا پڑا اور انہوں نے گذشتہ روز سوشل میڈیا پر ایک تصویر  بھی شائع کی  تھی جس میں وہ پرتگالی اسکواڈ کے باقی دوستوں کے ساتھ مل کر کھانا کھا رہے تھے۔